എസ്എൻസിഎസിന്റെ നവരാത്രി ആഘോഷവും സബ് കമ്മിറ്റി രൂപീകരണ ഉദ്ഘാടനവും നടന്നു; വിദ്യാരംഭത്തിന് കുരുന്നുകൾ ആദ്യാക്ഷരം കുറിക്കും

മനാമ: മനാമയിൽ എസ്എൻസിഎസിന്റെ നവരാത്രി ആഘോഷവും സബ് കമ്മിറ്റി രൂപീകരണവും നടന്നു. കിംസ് ഹോസ്പിറ്റൽ ബഹ്‌റിന്റെ ചീഫ് ഓപ്പറേറ്റിംഗ് ഓഫീസർ താരിഖ് നജീബ് ആയിരുന്നു മുഖ്യാതിഥി. ചടങ്ങിൽ അസിസ്റ്റന്റ് സെക്രട്ടറി പ്രസാദ് വാസു, സുനീഷ് സുശീലൻ, കൾച്ചറൽ സെക്രട്ടറി കൃഷ്ണകുമാർ എന്നിവർ പങ്കെടുത്തു.

തുടർന്ന് പ്രാർത്ഥന ക്ലാസ്സ് കമ്മിറ്റി, പൂജാ കമ്മിറ്റി, പ്രസാദം കമ്മിറ്റി, ഗുരുനാദം ഓർക്കസ്ട്രാ കമ്മിറ്റി, കൾച്ചറൽ പ്രോഗ്രാം കമ്മിറ്റി, മീഡിയ കമ്മിറ്റി എന്നീ സബ് കമ്മിറ്റികളുടെ ഉദ്ഘാടനവും കുട്ടികളുടെ കലാപരിപാടികളും നടന്നു.

സംഗീത ഗോകുൽ അവതാരകയായ ചടങ്ങിൽ നവരാത്രി കൺവീനർ അജേഷ് കണ്ണൻ നന്ദി രേഖപ്പെടുത്തിക്കൊണ്ട് സംസാരിച്ചു.

ഒക്ടോബർ 5 (ബുധനാഴ്ച) വിദ്യാരംഭ ദിവസം രാവിലെ 05:30ന് മുൻ ചീഫ് സെക്രട്ടറിയും പ്രഥമ മലയാളം സർവകലാശാല മുൻ വൈസ് ചാൻസിലറും കവിയുമായ ഡോ. ജയകുമാർ ഐ. എ. എസ് കുരുന്നുകൾക്ക് ആദ്യാക്ഷരം കുറിക്കുമെന്ന് ഭാരവാഹികൾ അറിയിച്ചു.