ചെന്നൈ: തമിഴ്നാട്ടിലെ കോട്ടവാസലിൽ തിരക്കേറിയ റോഡരികിൽ ഹീലിയം ടാങ്ക് പൊട്ടിത്തെറിച്ച് ഒരാൾ മരിച്ചു. നിരവധി പേർക്ക് പരിക്കേറ്റു. സംഭവത്തിന്റെ സിസിടിവി ദൃശ്യങ്ങൾ പുറത്തു വന്നു.
#WATCH | Tamil Nadu: A helium tank exploded in a market in Trichy's Kotai Vasal area yesterday; One dead & several injured. Case registered. pic.twitter.com/wUHvlaM5GQ
— ANI (@ANI) October 3, 2022
മാട്ടുരവി എന്നയാളാണ് കൊല്ലപ്പെട്ടത് എന്ന് സ്ഥിരീകരിച്ചു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു. സിസിടിവി ദൃശ്യങ്ങൾ പരിശോധിച്ചതിൽ നിന്നും, ഒരു ബലൂൺ കച്ചവടക്കാരന്റെ കൈവശമുണ്ടായിരുന്ന ഹീലിയം ടാങ്കാണ് പൊട്ടിത്തെറിച്ചത് എന്ന് വ്യക്തമായിട്ടുണ്ട്.
ജനത്തിരക്കുള്ള, നിരവധി കച്ചവട സ്ഥാപനങ്ങൾ നിറഞ്ഞ സ്ഥലത്തായിരുന്നു സ്ഫോടനം. സ്ഫോടനം നടന്ന ഞായറാഴ്ച രാത്രിയും ഇവിടെ നല്ല തിരക്കുണ്ടായിരുന്നു. 13 വയസ്സുള്ള ഒരു കുട്ടിക്കും സ്ഫോടനത്തിൽ പരിക്കേറ്റിട്ടുണ്ട്. നിരവധി വാഹനങ്ങൾക്കും സ്ഫോടനത്തിൽ കേടുപാടുകൾ സംഭവിച്ചു.
