ന്യൂഡൽഹി: ഒരു പതിറ്റാണ്ടിന് ശേഷം അണ്ടർ 18 3 x3 ഫിബ ലോക കപ്പിന് യോഗ്യത നേടി പുരുഷന്മാരുടെ ഇന്ത്യൻ ബാസ്ക്കറ്റ്ബോൾ ടീം. ജയദീപ് റാത്തോഡ്, കുശാൽ സിംഗ്, ഹർഷ് ദുഗർ, ലോകേന്ദ്ര സിംഗ് എന്നിവരടങ്ങുന്ന ഇന്ത്യ അണ്ടർ 17 പുരുഷന്മാരുടെ 3 x3 ബാസ്ക്കറ്റ്ബോൾ ടീമാണ് അണ്ടർ 18 3 x3 ഫിബ ലോകകപ്പിന് യോഗ്യത നേടി ചരിത്രം കുറിച്ചത്. 2011 ശേഷം ഇതാദ്യമായാണ് ഇന്ത്യ യോഗ്യത നേടുന്നത്. അടുത്ത വർഷമാണ് മത്സരങ്ങൾ നടക്കുക.
2011-ലാണ് ഇതിന് മുൻപ് ഇന്ത്യൻ പുരുഷ-വനിതാ ബാസ്ക്കറ്റ്ബോൾ ടീമുകൾ ഫിബ അണ്ടർ 18 3 x3ലോകകപ്പിൽ പങ്കെടുത്തത്. ലോകകപ്പിൽ ഇന്ത്യ പുരുഷ വിഭാഗം മൊത്തത്തിൽ 29-ാം സ്ഥാനത്തെത്തിയപ്പോൾ വനിതകൾ 16-ാം സ്ഥാനത്താണ് ഫിനിഷ് ചെയ്തത്.
Historical Feat by the Indian 3X3 Young Cagers as they sealed their spot for the first ever FIBA 3X3 World Cup 2023 and clinched the 2nd 🥈 place in FIBA 3X3 U17 ASIA CUP 2022 🏀 pic.twitter.com/zaZQlvlQ70
— #IndiaBasketball (@BFI_basketball) October 16, 2022
മലേഷ്യയിലെ കോലാലംപൂരിൽ നടന്ന അണ്ടർ 17 3 x 3 ഏഷ്യാ കപ്പിന്റെ സെമി ഫൈനലിൽ ചൈനീസ് തായ്പേയിയെ 21-20ന് തോൽപ്പിച്ചാണ് ഇന്ത്യ ലോകകപ്പിന് യോഗ്യത നേടിയത്. ഏഷ്യാ കപ്പിൽ ജപ്പാനെതിരെ ഫൈനലിൽ തോറ്റ ടീം രണ്ടാം സ്ഥാനത്തെത്തി. നേരത്തെ ക്വാർട്ടർ ഫൈനലിൽ ജോർദാനെതിരെ ഇന്ത്യ 19-2 ന് ജയിച്ചിരുന്നു.
