ആഹാരസാധനങ്ങൾ എങ്ങനെ കേടുകൂടാതെ സൂക്ഷിക്കാമെന്ന് അന്വേഷിക്കുന്നവരാണ് നമ്മളിൽ ഭൂരിഭാഗവും. അതിനുള്ള പ്രധാന ഉത്തരമാണ് വീട്ടിലെ ഫ്രിഡ്ജ്. എന്തു കിട്ടിയാലും ഫ്രിഡ്ജിൽ സൂക്ഷിക്കുന്നവരാണ് മലയാളികൾ. ചീയാതിരിക്കാനും കേടാകാതിരിക്കാനുമാണ് ഫ്രിഡ്ജിൽ സാധനങ്ങൾ സൂക്ഷിക്കുന്നത്. എന്നാൽ ഇത്തരത്തിൽ എല്ലാ സാധനങ്ങളും ഫ്രിഡ്ജിൽ വെയ്‌ക്കാമോ? ഇല്ലാ എന്നതാണ് സത്യം.യാഥാർത്ഥ്യമറിയാതെയാണ് നമ്മളിൽ പലരും പലതും ഫ്രിഡ്ജിൽ വയ്‌ക്കുന്നത്.
ബാക്ടീരിയയുടെ വളർച്ചയെ മന്ദഗതിയിലാക്കുന്ന പ്രവർത്തനമാണ് റഫ്രിജറേഷൻ. ഫ്രിഡ്ജിനുള്ളിലും ഇതാണ് സംഭവിക്കുന്നത്. ഇത് വഴി ഭക്ഷണത്തിന്റെ ആയുസ് വർദ്ധിപ്പിക്കുകയാണ് ഇവ ചെയ്യുന്നത്. ചില ഭക്ഷണങ്ങളും സാധനങ്ങളും ഫ്രിഡ്ജിനുള്ളിലെ താപനിലയുമായി പൊരുത്തപ്പെടുന്നില്ല. അതു കൊണ്ടാണ് ചിലത് ഇത്തരത്തിൽ സൂക്ഷിക്കരുതെന്ന് വിദഗ്ധർ പറയുന്നത്. ഇങ്ങനെ ഫ്രിഡ്ജിൽ സൂക്ഷിക്കാൻ പാടില്ലാത്ത സാധനങ്ങൾ എന്തൊക്കെ എന്ന് നോക്കാം.
ബ്രെഡ്
ബ്രെഡ് ഫ്രിഡ്ജിൽ വെച്ചാൽ വരണ്ടതായി മാറും.ബ്രെഡിലെ അന്നജ തന്മാത്രകൾ തണുത്ത ഊഷ്മാവിൽ റീക്രിസ്റ്റലൈസേഷൻ പ്രവർത്തനത്തിന് വിധേയമാകുന്നു. ഇത് മൂലം ബ്രെഡ് വരണ്ടതാക്കുന്നു. ഇത് വഴി റൊട്ടി പെട്ടെന്ന് ചീത്തയാകാനും സാദ്ധ്യതയുണ്ട്.
ഉരുളക്കിഴങ്ങ്
45 മുതൽ 50 ഡിഗ്രി വരെ താപനിലയിൽ വരെ ഉരുളക്കിഴങ്ങ് കേടാകാതിരിക്കും. എന്നാൽ ഫ്രിഡ്ജിലെ കുറഞ്ഞ താപനിലയിൽ സൂക്ഷിക്കാൻ കഴിയാത്ത ഒന്നാണ് ഉരുളക്കിഴങ്ങ്. ഫ്രിഡ്ജിൽ സൂക്ഷിക്കുന്നത് വഴി ഇതിലെ അന്നജം പഞ്ചസാര ആയി മാറും. അതുവഴി ഉരുഴക്കിഴങ്ങ് മധുരമുള്ളതായി മാറും.
വാഴപ്പഴം
പഴം ഫ്രിഡ്ജിൽ സൂക്ഷിക്കുന്നത് വഴി പഴത്തിന്റെ സ്വാദ് നഷ്ടപ്പെടും. അതു പോലെ തന്നെ പഴം നന്നായി പഴക്കാതിരിക്കാനും കാരണമാകും. പഴത്തിന്റെ സ്വാഭാവിക രുചിയ്‌ക്കായി പുറത്തെ സാധാരണ താപനിലയിൽ സൂക്ഷിക്കുന്നതാണ് ഉചിതം.
ജാഗ്രത…! സസ്യാഹാരം കഴിക്കുന്നവർക്ക് മുന്നറിയിപ്പുമായി ഗവേഷകർ
ഉള്ളി
ഫ്രിഡ്ജിലെ താപനിലയിൽ ഉള്ളിയുടെ ഈർപ്പം കുറയ്‌ക്കും. അതുവഴി ഉള്ളി മാർദ്ദവമുള്ളതായി തീരും. നല്ല വായു സഞ്ചാരമുള്ള സ്ഥലത്ത് ഉള്ളി സൂക്ഷിക്കുന്നതാണ് ഉചിതം.
വെളുത്തുള്ളി
തൊലി കളയാത്ത ഉള്ളി സൂക്ഷിക്കാൻ മികച്ച മാർഗം വായുസഞ്ചാരമുള്ള സ്ഥലമാണ് . തൊലി കളയാതെ ഫ്രിഡ്ജിൽ സൂക്ഷിച്ചാൽ വെളുത്തുള്ളി മുളയ്‌ക്കാൻ സാധ്യതയുണ്ട്. എന്നാൽ തൊലി കളഞ്ഞ വെളുത്തുള്ളി സൂക്ഷിക്കാൻ മികച്ച മാർഗം ഫ്രിഡ്ജാണ്. വായു കടക്കാത്ത രീതിയിൽ വേണം അവ ഫ്രിഡ്ജിൽ സൂക്ഷിക്കാൻ.
തക്കാളി
തക്കാളി വേഗത്തിൽ ചീത്തയാകരുത് എന്ന് ചിന്തിച്ചിട്ടാണ് പലരും ഫ്രിഡ്ജിൽ വെയ്‌ക്കുന്നത്. എന്നാൽ ഫ്രിഡ്ജിലെ തണുപ്പ് കാരണം, തക്കാളിയുടെ പുറംഭാഗം വേഗത്തിൽ ചീത്തയാകുവാനും നിറം മങ്ങാനുമുള്ള സാധ്യത കൂടുതലാണ്. അതിനാൽ തക്കാളി ഫ്രിഡ്ജിൽ സൂക്ഷിക്കാതിരിക്കുന്നതാണ് നല്ലത്.
തേൻ
ഫ്രിഡ്ജിൽ വെച്ച് ഉപയോഗിക്കുന്ന തേനിന്റെ ഗുണവും സ്വാദും കുറവായിരിക്കും. തണുത്ത പ്രതലത്തിൽ കൂടുതൽ രാസപ്രവർത്തനങ്ങൾക്ക് വിധേയമാകുന്നതാണ് ഇതിന് പി്ന്നിലെ കാരണം.
കുക്കികൾ, ഡോനട്ട്‌സ്, പേസ്ട്രികൾ, പീസ്, കേക്ക് എന്നിവ ഫ്രിഡ്ജിൽ വയ്‌ക്കരുത്. തണുത്ത ഊഷ്മാവ് ഭക്ഷണത്തിലെ കൊഴുപ്പുകളെ കഠിനമാക്കുമെന്നും ഇത് രുചിയെയും ഘടനയെയും ബാധിക്കുമെന്ന് ഫുഡ് നെറ്റ്വർക്ക് മുന്നറിയിപ്പ് നൽകിയിട്ടുണ്ട്.
