കനത്ത മഴയെത്തുടർന്ന് വീട് പുഴയിലേക്ക് മറിഞ്ഞുവീണു. ബീഹാറിലെ ബഗൽപൂരിലാണ് സംഭവം. ദിവസങ്ങൾ നീണ്ടുനിന്ന മഴയെ തുടർന്നുണ്ടായ മണ്ണൊലിപ്പിലാണ് വീട് തകർന്നത്. ഇത് ഗംഗാനദിയിലേക്ക് പതിക്കുന്ന വീഡിയോയാണിത്.
വീടിന്റെ ഒരു ഭാഗം പുഴയിലേക്ക് വീഴുന്നത് കാണാനാകും. ഇത് പുഴയിൽ പൂർണമായി മുങ്ങിപ്പോകുന്നുണ്ട്. പിന്നാലെ വീടിന്റെ അടുത്ത ഭാഗവും പുഴയിലേക്ക് വീണ് മുങ്ങിപ്പോകുന്നു. ഭയം തോന്നിക്കുന്ന ഈ വീഡിയോ സമൂഹമാദ്ധ്യമങ്ങളിൽ നിരവധി പേരാണ് പങ്കുവെച്ചിരിക്കുന്നത്.
#WATCH | A house washed away in Ganga river due to persevering erosion in Bhagalpur
If there is damage to the house due to erosion, we will provide financial help to repair the house to the concerned beneficiaries after getting the records approved: DM Subrata Kumar Sen pic.twitter.com/THfun2F4UW
— ANI (@ANI) October 20, 2022
പലയിടങ്ങളിലും വീടുകൾ മുഴുവനായി തകർന്ന സംഭവങ്ങളുണ്ട്. മരങ്ങളും, വൈദ്യുതി പോസ്റ്റുകളുമെല്ലാം ഇത്തരത്തിൽ മണ്ണൊലിപ്പിൽ കട പുഴകിവീണതായാണ് റിപ്പോർട്ടുകൾ സൂചിപ്പിക്കുന്നത്. ആയിരക്കണക്കിന് ആളുകളെയാണ് ഈ പ്രളയം ബാധിച്ചത്. വീടുകൾ നഷ്ടപ്പെട്ടവർക്ക് തക്കതായ പരിഹാരം നൽകുമെന്ന് ബീഹാറിൽ അതത് ജില്ലകളുടെ ഭരണാധികാരികൾ അറിയിച്ചിട്ടുണ്ട്.
Comments