ഫുട്‌ബോൾ ആരാധകരെ ആവേശത്തിലാക്കാൻ ലോകകപ്പ് പടിവാതിക്കൽ എത്തി നിൽക്കുകയാണ്. ഇപ്പോഴിതാ കേരളത്തിന്റെ ഫുട്‌ബോൾ പ്രേമം തെളിയിക്കുന്ന മോഹൻലാലിന്റെ ഗാനം പുറത്തെത്തിയിരിക്കുകയാണ്.മോഹൻലാൽ പാടി അഭിനയിച്ചിരിക്കുന്ന സംഗീത ആൽബം ദോഹയിൽ നടന്ന ചടങ്ങിലാണ് പ്രകാശനം ചെയ്തത്.
ഒരേയൊരു വികാരം, ചിന്ത, മതം എന്ന കുറിപ്പോടു കൂടിയാണ് മോഹൻലാൽ ആൽബം റിലീസ് ചെയ്തത്. കേരളത്തിന്റെ ഫുട്‌ബോൾ ആരാധകരുടെ കേന്ദ്രമായ മലപ്പുറത്തെ സെവൻസ് മൈതാനങ്ങളിൽ നിന്ന് ലോക ഫുട്‌ബോളിലേക്ക് എത്തുന്ന തരത്തിലാണ് ഗാനത്തിന്റെ ദൃശ്യാവിഷ്‌കാരം ഒരുക്കിയിരിക്കുന്നത്.
ആൽബം സംവിധാനം ചെയ്തിരിക്കുന്നത് കെ രാജീവ് കുമാറാണ്.ആശിർവാദ് സിനിമാസിന്റെ ബാനറിൽ ആൻറണി പെരുമ്പാവൂരാണ് നിർമ്മിച്ചിരിക്കുന്നത്.കൃഷ്ണദാസ് പങ്കിയുടെ വരികൾക്ക് സംഗീതം പകർന്നിരിക്കുന്നത് ഹിഷാം അബ്ദുൾ വഹാബ് ആണ്. സുദീപ് ഇളമൺ ആണ് ഛായാഗ്രാഹകൻ. എഡിറ്റിംഗ് ഡോൺ മാക്‌സ്, പ്രൊഡക്ഷൻ ഡിസൈനർ സന്തോഷ് രാമൻ, സൗണ്ട് ഡിസൈനർ പി സി വിഷ്ണു, നൃത്തസംവിധാനം ബൃന്ദ, വിഎഫ്എക്‌സ് സൂപ്പർവൈസർ അജയ്.
റിലീസിന് പിന്നാലെ ഗാനത്തിന് വലിയ രീതിയിലൂടെ സ്വീകാര്യതയാണ് ലഭിക്കുന്നത്. ഒപ്പം മികച്ച രീതിയിലുള്ള കമന്റുകളുമാണ് ലഭിച്ചു കൊണ്ടിരിക്കുന്നത്.
