അമരാവതി: ഗുജറാത്ത് നിയമസഭാ തിരഞ്ഞെടുപ്പിൽ കോൺഗ്രസ് സീറ്റുകൾ തൂത്തുവാരുമെന്ന് വയനാട് എംപി രാഹുൽ ഗാന്ധി.സംസ്ഥാനത്ത് ആംആദ്മി പരസ്യങ്ങളിൽ മാത്രമാണുള്ളത്. അവർ മത്സരംഗത്ത് ചിത്രത്തിലേ ഇല്ലെന്ന് അദ്ദേഹം പരിഹസിച്ചു.
ഗുജറാത്ത് തിരഞ്ഞെടുപ്പിൽ കോൺഗ്രസ് ഫലപ്രദമായി മത്സരിക്കുന്നു. ആം ആദ്മി പാർട്ടി മായികലോകത്താണ്, യാഥാർത്ഥ ലോകത്തല്ല. ഗുജറാത്തിൽ കോൺഗ്രസ് ഉറച്ച പാർട്ടിയാണെന്നായിരുന്നു രാഹുൽ ഗാന്ധിയുടെ പ്രസ്താവന. ആംആദ്മി പാർട്ടി നൽകിയ പരസ്യങ്ങളെ അടിസ്ഥാനമാക്കി മാത്രം മാദ്ധ്യമങ്ങൾ ചർച്ച നടത്തുകയാണെന്ന് അദ്ദേഹം വിമർശിച്ചു.
ഗുജറാത്തിൽ കോൺഗ്രസ് ശക്തമായ പാർട്ടിയാണ്.തിരഞ്ഞെടുപ്പിൽ കോൺഗ്രസ് വിജയിക്കുമെന്നും അദ്ദേഹം കൂട്ടിച്ചേർത്തു. സംസ്ഥാനത്ത് വലിയ തോതിൽ ഭരണവിരുദ്ധതയുണ്ടെന്ന് രാഹുൽ കുറ്റപ്പെടുത്തി.
തെലങ്കാന രാഷ്‌ട്ര സമിതിയുമായുള്ള സഖ്യത്തിനുള്ള സാധ്യതയും രാഹുൽ ഗാന്ധി തള്ളി. ടിആർഎസും കോൺഗ്രസും തമ്മിൽ യാതൊരു ബന്ധത്തിനും സാധ്യതയില്ലെന്നും അദ്ദേഹം പറഞ്ഞു.കോൺഗ്രസിന്റെ നിലപാടിന് തികച്ചും വിരുദ്ധമാണ് ടിആർഎസ്.അവരുടെ അഴിമതിയും സമീപനവും മനോഭാവവും ഞങ്ങൾക്ക് സ്വീകാര്യമല്ല. അവർ ചെയ്യുന്ന കാര്യങ്ങൾക്ക് തങ്ങൾ വിപരീതമാണെന്ന് രാഹുൽ ഗാന്ധി വ്യക്തമാക്കി.
