കൽപ്പറ്റ: ആസിഫ് അലി, ലാൽ, ബാബുരാജ് എന്നിവർ കേന്ദ്ര കഥാപാത്രങ്ങളായ സോൾട്ട് ആന്റ് പെപ്പർ എന്ന ചിത്രത്തിലൂടെ മലയാളി പ്രേക്ഷകരുടെ ഹൃദയം കവർന്ന നടൻ മൂപ്പൻ വരയാൽ നിട്ടാനി കേളു അന്തരിച്ചു. 90 വയസ്സായിരുന്നു. വാർദ്ധക്യ സഹജമായ അസുഖങ്ങളെ തുടർന്നാണ് മരണം.
സോൾട്ട് ആന്റ് പേപ്പറിൽ ലാലിന്റെ കഥാപാത്രം കാട്ടിൽ നിന്നും കൂടെ കൂട്ടുന്ന മൂപ്പനായാണ് കേളു വേഷമിട്ടത്. പഴശ്ശിരാജ, ഉണ്ട, ബ്ലാക്ക് കോഫി എന്നി ചിത്രങ്ങളിലും ഇദ്ദേഹം അഭിനയിച്ചിട്ടുണ്ട്. ചെന്നിലാര കുറിച്യ തറവാട്ടിലെ അംഗമായിരുന്നു കേളു. മീനാക്ഷിയാണ് ഭാര്യ. പുഷ്പ, രാജൻ, മണി, രമ എന്നിവരാണ് മക്കൾ.
