മോട്ടോർസൈക്കിൾ പ്രേമികൾക്കിടയിൽ ഏറ്റവും പ്രചാരമുള്ള ബ്രാൻഡാണ് റോയൽ എൻഫീൽഡ്. ബ്രാൻഡിന്റെ ബുള്ളറ്റുകൾക്ക് ആരാധകരേറെയാണ്. റോയൽ എൻഫീൽഡ് വാഹനം കണ്ടാൽ ഒന്ന് നോക്കാതെ പോകാൻ ആരും മടിക്കും. ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത് പരിഷ്കരിച്ച റോയൽ എൻഫീൽഡ് ബുള്ളറ്റിന്റെ കുറച്ച് ചിത്രങ്ങളാണ്. റോയൽ എൻഫീൽഡ് ക്ലാസിക് 350-യാണ് ഒരു ബോബറായി രൂപമാറ്റം വരുത്തിയിരിക്കുന്നത്.
ക്ലാസിക് 350-ൽ രൂപം മാറ്റം വരുത്തിയിരിക്കുന്ന വാഹനത്തിന് ‘മൈറ്റി’ എന്നാണ് പേര് നൽകിയിരിക്കുന്നത്. എഞ്ചിന് സൈഡിലായി പേര് എഴുതിയിരിക്കുന്നത് ചിത്രത്തിൽ കാണാം. സൗന്ദര്യം വർദ്ധിപ്പിച്ചതിനൊപ്പം മെക്കാനിക്കലായ മാറ്റങ്ങളും വാഹനത്തിൽ വരുത്തിയിട്ടുണ്ട്.
മോട്ടോർസൈക്കിൾ ഒരു ബോബറായി പരിഷ്കരിച്ചപ്പോൾ സിംഗിൽ സീറ്റാണ് നൽകിയിരിക്കുന്നത്.
ഫെൻഡറുകളും ഷാസിയും പരിഷ്കരിച്ചിരിക്കുന്നു. സ്വിംഗ് ആർമും ഇഷ്ടത്തിനനുസരിച്ച് നിർമ്മിച്ചിട്ടുണ്ട്.
നിറത്തിലും വ്യത്യാസം വരുത്തിയിരിക്കുന്നു.
പരിഷ്കരിച്ച ക്ലാസിക് 350-ൽ ആഫ്റ്റർ മാർക്കറ്റ് എൽഇഡി ഹെഡ്ലാമ്പ്, പുതിയ ടേൺ ഇൻഡിക്കേറ്ററുകൾ, കസ്റ്റം എൽഇഡി ടെയിൽ ലാമ്പ്, ബാർ-എൻഡ് മിററുകൾ എന്നിവയും നൽകിയിരിക്കുന്നു.
പുതിയ K&K എയർ ഫിൽട്ടറും മറ്റൊരു എക്സ്ഹോസ്റ്റും വാഹനത്തിന് നൽകിയിരിക്കുന്നു.
