തിരുവനന്തപുരം: തിരുവനന്തപുരം കോർപ്പറേഷൻ മേയർ ആര്യാ രാജേന്ദ്രന്റെ കത്ത് വിവാദത്തിൽ ബി ജെ പി കൗൺസിലർമാർ ഇന്ന് ഗവർണർ ആരിഫ് മുഹമ്മദ് ഖാനെ കണ്ട് പരാതി നൽകും. തിരുവനന്തപുരം നഗരസഭയിലെ 35 കൗൺസിലർമാരാണ് ഗവർണറെ കാണുന്നത്.മേയറുടെയും സിപിഎ ന്റെയും അഴിമതിയിലും സ്വജനപക്ഷപാതത്തിലും ഗവർണറുടെ അടിയന്തര നടപടി ആവശ്യപ്പെടാനാണ് ബിജെപി കൗൺസിലർമാരുടെ തീരുമാനം.മേയർ സത്യപ്രതിജ്ഞാലംഘനം നടത്തിയെന്നും നഗരസഭയിലെ കരാർ നിയമനങ്ങളിൽ അന്വേഷണം വേണമെന്നുമാണ് ബിജെപിയുടെ ആവശ്യം.പന്ത്രണ്ടരയ്ക്കാണ് ബിജെപി കൗൺസിലർമാർ ഗവർണറെ കാണുന്നത്.
തിരുവനന്തപുരം നഗരസഭയിലെ കരാർ നിയമനങ്ങളിൽ സിപിഎം സഖാക്കളെ നിയമിക്കണമെന്ന് ആവശ്യപ്പെട്ടുകൊണ്ടുള്ള മേയർ ആര്യ രാജേന്ദ്രന്റെ കത്ത് വലിയ വിവാദത്തിനാണ് വഴി വെച്ചിരിക്കുന്നത്. കത്തുമായി ബന്ധപ്പെട്ട് വ്യാപക പ്രതിഷേധം ഇന്നും തുടരും. കത്ത് വ്യാജമെന്ന ദുർബല വാദം മേയർ ആവർത്തിക്കുമ്പോഴും ഇൻറലിജൻസ് വിഭാഗം അടക്കം നൽകിയ റിപ്പോർട്ട് മുഖ്യമന്ത്രിയുടെ പരിഗണനയിലുണ്ട്.
കത്ത് സംബന്ധിച്ച് മേയർ മുഖ്യമന്ത്രിക്ക് പരാതി നൽകിയെങ്കിലും വിഷയം കൂടുതൽ സങ്കീർണതയിലേക്കാണ് നീങ്ങുന്നത്.മേയർ അറിയാതെയാണ് ഔദ്യോഗിക ലെറ്റർ പാഡിൽ ഒപ്പും സീലും വച്ച കത്ത് പാർട്ടി ജില്ലാ സെക്രട്ടറിക്ക് നൽകിയതെങ്കിൽ ഇതുമായി ബന്ധപ്പെട്ട കൂടുതൽ പ്രതിഷേധങ്ങളും ഉയരാൻ സാധ്യതയുണ്ട്.മുൻപും സമാന രീതിയിൽ കത്തുകൾ നൽകിയിട്ടുണ്ടോ എന്നതടക്കമുള്ള കാര്യങ്ങളും അന്വേഷിക്കണം.
അതേസമയം നഗരസഭയിലെ മുഖ്യപ്രതിപക്ഷമായ ബിജെപി വലിയ പ്രതിഷേധത്തിലേക്കാണ് നീങ്ങുന്നത്.നഗരസഭയ്ക്ക് അകത്തും പുറത്തും ബിജെപി ശക്തമായ സമരപരിപാടികളുമായി മുന്നോട്ട് പോവുകയാണ്.
വിസിമാർക്ക് അനുവദിച്ച സമയം കഴിഞ്ഞു, ഇനിയെന്ത്? ഹർജികളിന്മേൽ ഗവർണർ ഇന്ന് ഹൈക്കോടതിയിൽ എതിർ സത്യവാങ്മൂലം നൽകും
