പട്ന: റെയിൽപാളം മുറിച്ചുകടക്കാൻ ശ്രമിക്കവെ ട്രെയിൻ വന്നാൽ എന്താണ് സംഭവിക്കുക? ട്രെയിൻ തട്ടി ജീവാപായം സംഭവിക്കാനാണ് സാധ്യത. അപൂർവ്വമായി മാത്രമാണ് ചിലർ രക്ഷപ്പെടുക. ഇത്തരത്തിൽ അപകടത്തിൽ നിന്ന് തലനാരിഴയ്ക്ക് രക്ഷപ്പെടുന്നയാളുടെ വീഡിയോ ദൃശ്യങ്ങളാണ് ഇപ്പോൾ വൈറലാകുന്നത്.
ഈ വീഡിയോ വൈറലാകാൻ ഒരു കാരണമുണ്ട്. യുവാവ് രക്ഷപ്പെടാൻ വേണ്ടി സ്വീകരിച്ച മാർഗമാണ് കാഴ്ച്ചക്കാരെ ഞെട്ടിച്ചത്. ഓടുന്ന ട്രെയിനിന് അടിയിൽ കിടന്നാണ് ഇയാൾ സ്വന്തം ജീവന് രക്ഷാകവചം ഒരുക്കിയത്. ബിഹാറിലെ ഭഗൽപൂരിലാണ് സംഭവം.
शख्स एक नंबर से दूसरे नंबर प्लेटफॉर्म पर मालगाड़ी के नीचे से निकलने ही वाला था तभी गाड़ी चल पड़ी. शख्स तो बाल-बाल बच गया लेकिन शॉर्टकट के चक्कर में जान भी जा सकती थी. वीडियो- भागलपुर के कहलगांव स्टेशन का है…. वायरल वीडियो @RailMinIndia @AshwiniVaishnaw @rpfnr_ @RailwaySeva pic.twitter.com/CWLOV8rJUM
— अंकित राजगढ़िया🇮🇳 (@ankit_rajgaria1) November 10, 2022
ഇതുകണ്ട് ശ്വാസമടിക്കിപിടിച്ച് നിൽക്കുന്ന യാത്രക്കാരെയും ദൃശ്യങ്ങളിൽ കാണാം. ട്രെയിൻ പോയതിന് ശേഷം പാളത്തിൽ നിന്നെഴുന്നേറ്റ് തന്റെ ബാഗുമായി പോകുകയാണ് അജ്ഞാതനായ ഈ വൈറൽ താരം.
എന്നാൽ മറ്റൊരു പ്ലാറ്റ്ഫോമിലേക്ക് പോകുന്നതിനായി ഷോർട്ട് കട്ട് ഉപയോഗിക്കുന്നവർക്ക് ഈ വീഡിയോ ഒരു ഓർമ്മപ്പെടുത്തലാണ്. റെയിൽവേ സ്റ്റേഷനിൽ ഒരിക്കലും പാളത്തിലേക്ക് ഇറങ്ങി നടക്കരുതെന്ന മുന്നറിയിപ്പാണ് ഈ വീഡിയോ. മേൽപ്പാലം ഉപയോഗിച്ച് മാത്രമേ ഒരു പ്ലാറ്റ്ഫോമിൽ നിന്നും മറ്റൊന്നിലേക്ക് പോകാനാകൂ. പെട്ടെന്ന് പോകാൻ വേണ്ടിയും സ്റ്റെപ്പ് കയറാനുള്ള മടികൊണ്ടും പലരും റെയിൽപാളം മുറിച്ചുകടക്കുന്നത് അപകടത്തെ ക്ഷണിച്ചുവരുത്തുന്ന പ്രവണതയാണ്.
