ന്യൂഡൽഹി: മൻ കി ബാത്തിൽ സംസാരിക്കേണ്ട വിഷയങ്ങൾ സംബന്ധിച്ച് നിർദേശങ്ങളും ആശയങ്ങളും പങ്കുവെയ്‌ക്കാൻ നിർദേശിച്ച് പ്രധാനമന്ത്രി നരേന്ദ്ര മോദി. ആശയങ്ങളും നിർദേശങ്ങളും MyGov ആപ്പ്,നമോ ആപ്പ് എന്നിവയിൽ രേഖപ്പെടുത്താമെന്നും പ്രധാനമന്ത്രിയുടെ ഓഫീസ് അറിയിച്ചു. നവംബർ 27-ന് മൻ കി ബാത്തിന്റെ 95-ാം പതിപ്പിനെ പ്രധാനമന്ത്രി അഭിസംബോധന ചെയ്യും.
ഒക്ടോബർ 30-ന് പ്രധാനമന്ത്രി നരേന്ദ്ര മോദി മൻ കി ബാത്തിന്റെ 94-ാം പതിപ്പിനെ അഭിസംബോധന ചെയ്തു. പരിസ്ഥിതി സൗഹൃദ ജീവിത ശൈലിയ്‌ക്കും പ്രകൃതി സംരക്ഷണത്തിനും പ്രാധാന്യം നൽകി. രാജ്യത്ത് ജീവിത കാലം മുഴുവൻ പ്രകൃതി സംരക്ഷിക്കുന്നവർ കുറവല്ല, അവരെ മാതൃകയാക്കണമെന്നും പ്രധാനമന്ത്രി നിർദേശിച്ചിരുന്നു. സമൂഹത്തിന്റെ ഓരോ കണികകളിലും ജീവന്റെ തുടിപ്പുണ്ടെന്നും അവ മനുഷ്യന് അനുഭവിക്കാൻ കഴിയുമെന്നും അദ്ദേഹം ചൂണ്ടിക്കാട്ടി.
പ്രധാനമന്ത്രി രാജ്യത്തെ ജനങ്ങളെ അഭിസംബോധന ചെയ്യുന്ന പ്രതിമാസ റേഡിയോ പ്രക്ഷേപണമാണ് മൻ കി ബാത്ത്. ഓൾ ഇന്ത്യ റേഡിയോ, ഡിഡി നാഷണൽ, ഡിഡി ന്യൂസ് എന്നിവയിൽ മൻ കി ബാത്ത് സംപ്രേഷണം ചെയ്യുന്നുണ്ട്.
