ബുദ്ധിശക്തിയിൽ ആൽബർട്ട് ഐൻസ്റ്റീനേയും സ്റ്റീഫൻ ഹോക്കിംഗിനേയും പിന്നിലാക്കി 11 വയസ്സുകാരൻ. ഐക്യു ലെവൽ പരിശോധിക്കുന്ന മെൻസ ഏറ്റവും ഉയർന്ന സ്കോർ നേടിക്കൊണ്ടാണ് 11 വയസ്സുകാരനായ യൂസഫ് ഷാ റെക്കോർഡ് നേട്ടം സ്വന്തമാക്കിയത്. റിപ്പോർട്ടുകൾ പ്രകാരം ഐൻസ്റ്റീന്റെയും സ്റ്റീഫൻ ഹോക്കിംഗിന്റേയും ഐക്യു ലെവൽ 160 ആണ്. എന്നാൽ യൂസഫ് ഷാ ഐക്യു ടെസ്റ്റിൽ 162 ആണ് സ്കോർ നേടിയത്.
ലീഡ്സിലെ വിഗ്ടൺ മൂർ പ്രൈമറി സ്കൂളിൽ് ആറാം ക്ലാസിലാണ് യൂസഫ് ഷാ പഠിക്കുന്നത്. സ്കൂൾ പഠനത്തിനൊപ്പം തന്നെ ഷാ മെൻസ ടെസ്റ്റിനായി തയ്യാറെടുത്തിരുന്നുവെന്ന് കുടുംബം പറയുന്നു. ‘ ഈ ടെസ്റ്റിനായി തയ്യാറെടുക്കുന്നത് അങ്ങേയറ്റം ബുദ്ധിമുട്ടേറിയ കാര്യമാണ്. മകൻ വളരെ അധികം കഠിനാധ്വാനം ചെയ്തു. അവൻ കഴിവുള്ളവനാണെന്നും എല്ലായ്പ്പോഴും മകനോട് പറയുമായിരുന്നെന്നും’ യൂസഫിന്റെ പിതാവ് ഇർഫാൻ പറഞ്ഞു.
കണക്കാണ് യൂസഫിന്റെ ഇഷ്ടവിഷയം. ഭാവിയിൽ കേംബ്രിഡ്ജിലോ ഓക്സ്ഫോർഡിലോ ബിരുദപഠനം നടത്തണമെന്നാണ് യൂസഫ് ആഗ്രഹിക്കുന്നത്. ഇതിനുള്ള തയ്യാറെടുപ്പുകൾ ഇപ്പൊഴേ തുടങ്ങിയെന്നും യുസഫ് പറയുന്നു.
Comments