നമ്മുടെ മഹത്തായ സംസ്കാരത്തിന്റെ ഭാഗമാണ് പൊട്ടുതൊടുന്നത്. ചന്ദനവും, കുങ്കുമവും,മഞ്ഞളും നെറ്റിയിൽ സ്ത്രീ-പുരുഷ ഭേദമെന്യേ തൊടുന്നു. സ്ത്രീകൾ ഇന്ന് അധികവും ഉപയോഗിക്കുന്നത് സ്റ്റിക്കർ പൊട്ടുകളാണ്. ഒരുഭാഗത്ത് പശയുള്ള വിവിധ വർണ്ണങ്ങളിലുള്ള പൊട്ടുകൾ പെൺകുട്ടികളുടെ മേക്കപ്പ് കിറ്റിൽ എല്ലായിപ്പോഴും കാണാം.
സ്ഥിരമായി ചില സ്റ്റിക്കർ പൊട്ടുകൾ തൊടുന്നത് ചിലർക്ക് സ്കിൻ അലർജിയ്ക്ക് കാരണമാകും. നെറ്റിയിൽ കൂടുതൽ നേരം ഇരിക്കും തോറും പശ ചൊറിച്ചിലിന് കാരണമാകും. ചില സാഹചര്യങ്ങളിൽ പശ ഒട്ടിപ്പിടിച്ച് തൊലി പോകുന്നതിനും കാരണമാകാറുണ്ട്. പുരികത്തിന് ഇടയിലായിട്ടാണ് ചിലർ പൊട്ട് കുത്താറുള്ളത്.ഇത് കുരുക്കൾ വരാൻ കാരണാകുന്നു.അങ്ങനെ ആ ഭാഗത്ത് കുരുവരുന്നത് ഇടയ്ക്കിടയ്ക്ക് കെെ തട്ടി വേദനിക്കുന്നതിനും കാരണമാകും.
പൊട്ടു തൊടുന്നവർക്ക് ഇത്തരം കാര്യങ്ങൾ അനുഭവപ്പെടാതിരിക്കാൻ ആദ്യം ചെയ്യേണ്ട കാര്യം ഗുണമേന്മയുള്ള സ്റ്റിക്കർ പൊട്ടുകൾ വാങ്ങിക്കുക എന്നതാണ്. ഇതിലുപയോഗിച്ചിരിക്കുന്ന പശ തൊലിക്ക് അധികം ദോഷം ഉണ്ടാക്കാറില്ല. പൊട്ടിന്റെ പശകളയുവാൻ ഏറ്റവും നല്ലത് കുറച്ച് വെളിച്ചെണ്ണ പുരട്ടി അത് തുടച്ച് കളയാവുന്നതാണ്. അല്ലെങ്കിൽ കറ്റാർവാഴ ജെൽ എന്നിവ പുരട്ടി പശ കളയുകയാണ് വേണ്ടത്.
