ഒപ്ടിക്കൽ ഇല്യൂഷനുകളുടെ മാന്ത്രികത ഇഷ്ടപ്പെടുന്ന നിരവധി പേരാണ് സോഷ്യൽ മീഡിയയിലുള്ളത്. നിർദിഷ്ട സമയം കൊണ്ട് ടാസ്ക് പൂർത്തിയാക്കാൻ ആവശ്യപ്പെടുമ്പോൾ വളരെയധികം ആവേശത്തോടെയാണ് പലരും വെല്ലുവിളി ഏറ്റെടുക്കുക. നമ്മുടെ ബുദ്ധിയും ഏകാഗ്രതയും അളക്കാൻ സഹായിക്കുന്ന അത്തരമൊരു ഒപ്ടിക്കൽ ഇല്യൂഷൻ ചിത്രമാണിത്.
വയലറ്റ് നിറം പശ്ചാത്തലത്തിലുള്ള ഒരു ഫോട്ടോയാണ് നൽകിയിരിക്കുന്നത്. ചിത്രത്തിൽ നിരവധി തവണ ക്യൂ (Q) എന്ന് എഴുതിയിട്ടുണ്ട്. ഇതിനിടയിൽ നിന്നും വളരെ പെട്ടെന്ന് ഒ (O) എന്ന അക്ഷരം കണ്ടെത്തണമെന്നതാണ് ടാസ്ക്. ഇതിനായി നിങ്ങൾക്ക് നൽകുന്നത് 10 സെക്കൻഡ് സമയം മാത്രമാണ്.
ഒറ്റനോട്ടത്തിൽ വളരെ എളുപ്പമെന്ന് തോന്നുന്ന ഒരു ടാസ്കാണിത്. എന്നാൽ 10 സെക്കൻഡിനുള്ളിൽ ടാസ്ക് പൂർത്തിയാക്കുക അൽപം ബുദ്ധിമുട്ടാണ്. നൽകിയിരിക്കുന്ന ചിത്രത്തിൽ അഞ്ച് നിരയായി ‘ക്യൂ’ എന്ന് എഴുതിയിട്ടുണ്ട്. ഇതിൽ നാലാമത്തെ നിരയിൽ അവസാനത്തോട് അടുപ്പിച്ചാണ് ഒ എന്ന അക്ഷരം ഇരിക്കുന്നത്. ഭൂരിഭാഗം ആളുകൾക്കും നിർദിഷ്ട സമയത്തിനുള്ളിൽ ഇത് കണ്ടെത്താൻ സാധിക്കില്ലെന്ന് വിദഗ്ധർ ചൂണ്ടിക്കാട്ടുന്നു. എന്നാൽ ടാസ്ക് പൂർത്തിയാക്കാൻ കഴിയുന്നവർ അസാമാന്യ നിരീക്ഷണപാടവം കൈമുതലുള്ളവരാണെന്നാണ് വിദഗ്ധർ പറയുന്നത്.
