ന്യൂഡൽഹി ; ദോശ ചുട്ട് ജന്മദിനം ആഘോഷിച്ച് ഇന്ത്യൻ ക്രിക്കറ്റ് താരം സുരേഷ് റെയ്ന. മുൻ ഇന്ത്യൻ പേസർ ഇർഫാൻ പത്താനാണ് ഇരുവരും ചേർന്ന് ദോശ ചുടുന്ന വീഡിയോ പങ്ക് വച്ച് വ്യത്യസ്തമായ രീതിയിൽ പിറന്നാൾ ആശംസകൾ നേർന്നത്.
ഇർഫാൻ പത്താൻ തന്റെ ട്വിറ്റർ അക്കൗണ്ടിൽ ഈ വീഡിയോ പോസ്റ്റ് ചെയ്തിട്ടുണ്ട്. ഇതിൽ റെയ്നയും ഇർഫാനും ദോശ ഉണ്ടാക്കുന്നത് കാണാം. “എന്റെ പ്രിയ സുഹൃത്ത് റെയ്നയ്ക്ക് ജന്മദിനാശംസകൾ നേരുന്നു. സഹോദരാ ഞാൻ നിനക്ക് ഭക്ഷണം നൽകട്ടെ. “ വീഡിയോയ്ക്കൊപ്പം ഇർഫാൻ കുറിച്ചു .
പോസ്റ്റ് ചെയ്ത ഉടൻ തന്നെ വീഡിയോ വൈറലായി. സുരേഷ് റെയ്നയ്ക്ക് പിറന്നാൾ ആശംസകളുമായി നിരവധി ആരാധകർ എത്തിയിരിക്കുകയാണ്.
മിസ്റ്റർ ഐപിഎൽ എന്ന് അറിയപ്പെടുന്ന സുരേഷ് റെയ്ന 1986 ലാണ് ജനിച്ചത് . ധോണിയുടെ പ്രത്യേക സുഹൃത്തുക്കളിൽ ഒരാളായാണ് റെയ്ന കണക്കാക്കപ്പെടുന്നത്. ഇരുവരും ഒരേ ദിവസമാണ് അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത് .
