നമ്മുടെയെല്ലാം മൊബൈൽ ഫോൺ നമ്പറിന് പത്ത് ഡിജിറ്റാണുള്ളത്. എന്തുകൊണ്ടാണിതെന്ന് എപ്പോഴെങ്കിലും ആലോചിച്ചിട്ടുണ്ടോ? മൊബൈൽ നമ്പർ എന്തുകൊണ്ടാണ് 6 ഡിജിറ്റോ 9 ഡിജിറ്റോ ഒന്നുമാകാതിരുന്നത്? ഇതിന് കാരണം ഇന്ത്യയിലെ ജനസംഖ്യ തന്നെയാണ്.
7-8 വർഷം മുമ്പ് മൊബൈൽ എടുത്തവർ ഇപ്പോഴും അന്നത്തെ അതേ നമ്പർ ആണ് ഉപയോഗിക്കുന്നതെങ്കിൽ അവരുടെ മൊബൈൽ നമ്പർ തുടങ്ങുന്നത് 9ൽ നിന്ന് ആയിരിക്കുമെന്നത് ശ്രദ്ധിച്ചിട്ടുണ്ടോ? വർഷങ്ങൾ പിന്നിട്ടപ്പോൾ പലർക്കും 8, 7 തുടങ്ങിയ അക്കങ്ങളിൽ ആരംഭിക്കുന്ന മൊബൈൽ നമ്പറുകൾ ലഭിക്കാൻ തുടങ്ങി. ഇതുതന്നെയാണ് പത്തക്ക മൊബൈൽ നമ്പർ ആയി നിലനിർത്തുന്നതിന്റെ കാരണവും.
ഒരു രാജ്യത്തെ ജനസംഖ്യയ്ക്ക് അനുസൃതമായാണ് അവിടുത്തെ മൊബൈൽ നമ്പറിന്റെ ഡിജിറ്റും തയ്യാറാക്കുന്നത്. ഇന്ത്യയിൽ 1,315,517,078 കോടിയിലധികം ആളുകളുണ്ടെന്നാണ് കണക്കുകൾ സൂചിപ്പിക്കുന്നത്. 10 അക്ക സംഖ്യ വരുന്ന ജനങ്ങൾ ഇന്ത്യയിലുണ്ട്. അതിനാൽ പത്തിൽ താഴെ ഡിജിറ്റുള്ള മൊബൈൽ നമ്പർ ഇന്ത്യയിൽ പ്രാവർത്തികമാകില്ല.
രാജ്യത്തെ എല്ലാവർക്കും മൊബൈൽ ഫോൺ ഉള്ളതായി കണക്കാക്കിയാണ് കേന്ദ്രസർക്കാരിന്റെ നാഷണൽ നമ്പറിംഗ് പ്ലാൻ (എൻഎൻപി) അനുസരിച്ച് പത്തക്ക ഡിജിറ്റ് നമ്പർ കൊണ്ടുവന്നിരിക്കുന്നത്. പത്ത് ഡിജിറ്റുള്ള നമ്പർ ആകുമ്പോൾ അതിൽ നിന്നും 1000 കോടി കോമ്പിനേഷൻസ് തയ്യാറാക്കാൻ സാധിക്കും. ഇത്രയധികം ജനസംഖ്യയുള്ള രാജ്യത്ത് ഒരാൾക്ക് ഒന്നിലധികം സിം കാർഡുകൾ ഉണ്ടായാലും ഇത്രയും കോമ്പിനേഷൻസ് പര്യാപ്തമാകും.
മറ്റ് രാജ്യങ്ങളും സമാനമായ മാനദണ്ഡങ്ങളുടെ അടിസ്ഥാനത്തിലാണ് മൊബൈൽ നമ്പറിന്റെ ഡിജിറ്റ് തീരുമാനിക്കുന്നത്. ചൈനയിൽ ജനസംഖ്യ കൂടുതലായതിനാൽ അവിടെ 12 അക്ക മൊബൈൽ നമ്പറാണുള്ളത്. ഇത്തരത്തിൽ അതത് രാജ്യത്തെ ജനസംഖ്യയെ അടിസ്ഥാനപ്പെടുത്തിയാണ് മൊബൈൽ നമ്പർ തയ്യാറാക്കുന്നതെന്ന് സാരം.
Comments