ന്യൂഡൽഹി: വിവേക് അഗ്നിഹോത്രി ചിത്രം ‘ദി കശ്മീർ ഫയൽസിനെതിരെ’ ഇസ്രായേൽ സംവിധായകൻ നാദവ് ലാപിഡ് നടത്തിയ അധിക്ഷേപ പരാമർശത്തെ പിന്തുണച്ച് നടി സ്വരാ ഭാസ്കർ. ട്വിറ്ററിലൂടെയായിരുന്നു നടി സിനിമയ്ക്കെതിരെ രംഗത്ത് വന്നത്. സംഭവത്തിൽ സ്വരാ ഭാസ്കറിനെതിരെ ശക്തമായ പ്രതിഷേധം ഉയരുന്നുണ്ട്.
നാദവ് ലാഡിപിന്റെ പരാമർശത്തെക്കുറിച്ച് വന്ന വാർത്തയുടെ സ്ക്രീൻ ഷോട്ട് പോസ്റ്റ് ചെയ്തായിരുന്നു സ്വര ഭാസ്കറിന്റെ പ്രതികരണം. ഇപ്പോൾ എല്ലാം ലോകത്തിന് വ്യക്തമായി കാണും എന്നായിരുന്നു ഇതിനൊപ്പം സ്വര കുറിച്ചത്. ട്വീറ്റ് ശ്രദ്ധയിൽപ്പെട്ടതോടെ സമൂഹമാദ്ധ്യമ ഉപയോക്താക്കൾ പ്രതിഷേധവുമായി രംഗത്ത് ത്തി.
കശ്മീരി പണ്ഡിറ്റുകളുടെ കൂട്ടക്കൊലയുടെ കഥ പറയുന്ന ചിത്രത്തെ അധിക്ഷേപിച്ചതിൽ നാദവ് ലാപിഡിനെതിരെ ശക്തമായ വിമർശനമാണ് ഉയരുന്നത്. സംവിധായകൻ വിവേക് അഗ്നിഹോത്രി, നടൻ അനുപം ഖേർ തുടങ്ങി നിരവധി പേർ ഇതിനോടകം തന്നെ നാദവിന് മറുപടിയുമായി രംഗത്ത് എത്തിയിട്ടുണ്ട്. ഇതിനിടെയാണ് പിന്തുണച്ചുകൊണ്ട് സ്വര ഭാസ്കർ രംഗത്ത് വന്നിരിക്കുന്നത്. പരാമർശത്തിൽ നാദവ് ലാപിഡിനെതിരെ ഇസ്രായേൽ അംബാസിഡറും പരസ്യമായി രംഗത്ത് വന്നിരുന്നു.
Comments