ബസിൽ വച്ച് കുഞ്ഞിന് ജന്മം നൽകി യുവതി. ഡൽഹിയിൽ നിന്ന് ഉത്തർപ്രദേശിലെ ചിബ്രമൗവിലേക്കുള്ള യാത്രയ്ക്കിടെയാണ് സംഭവം. ഇറ്റാഹ് ജില്ലയിലേക്ക് പോകുന്നതിനിടെ യുവതിക്ക് പ്രസവവേദന അനുഭവപ്പെടുകയായിരുന്നു. ഇതോടെ ഡ്രൈവർ ബസ് നിർത്തി.
ഭാര്യയ്ക്ക് അസഹനീയമായ വേദന അനുഭവപ്പെട്ടതോടെ ഇവരുടെ ഭർത്താവ് ആളുകളുടെ സഹായം ചോദിച്ചു. തുടർന്ന് ബസിലുണ്ടായിരുന്നവർ എത്തി യുവതിയെ സഹായിക്കുകയായിരുന്നു. ഇരുവർക്കും ആൺകുഞ്ഞാണ് ജനിച്ചത്.
പ്രസവത്തിന് പിന്നാലെ ഡ്രൈവർ നേരെ ബസ് ആശുപത്രിയിലെത്തിച്ചു. അമ്മയുടെയും കുഞ്ഞിന്റെയും ആരോഗ്യനിലയിൽ പ്രശ്നമില്ലെന്നും ഇരുവരും സുരക്ഷിതരാണെന്നും ഡോക്ടർ പറഞ്ഞു.
