ന്യൂഡൽഹി: ഇന്ന് മഹാപരിനിർവാൺ ദിനം. ഇന്ത്യയുടെ ഭരണഘടനാ ശിൽപ്പിയായ ഡോ. ബിആർ അംബേദ്കറുടെ ചരമദിനമാണ് രാജ്യം മഹാപരിനിർവാൺ ദിനമായി ആചരിക്കുന്നത്. സ്വന്തം അവകാശങ്ങളെക്കുറിച്ച് ചിന്തിക്കുന്ന ഏതൊരു ഭാരതീയനും നന്ദിയോടെ സ്മരിക്കേണ്ടയാളാണ് അംബ്ദേദ്കർ. 1891 ഏപ്രിൽ 14 ന് ജനിച്ച അദ്ദേഹം ഒരു പ്രമുഖ നിയമജ്ഞനും സാമൂഹിക പരിഷ്കർത്താവുമാണ്. സ്വതന്ത്ര ഇന്ത്യയിലെ ആദ്യ മന്ത്രിസഭയിലെ നിയമ-നീതി മന്ത്രിയുമായിരുന്നു അദ്ദേഹം.
സ്വതന്ത്ര ഇന്ത്യയ്ക്കായി ഭരണഘടന രൂപീകരിക്കാൻ ചുമതലപ്പെടുത്തിയ ഡ്രാഫ്റ്റിങ് കമ്മിറ്റിയുടെ ചെയർമാൻ കൂടിയായിരുന്നു അംബേദ്കർ. രാജ്യത്തിന്റെ വികസനത്തിനും സ്ത്രീകളുടെ ഉന്നതിക്കും വേണ്ടി പ്രയത്നിച്ച അംബേദ്കർ 1956, ഡിസംബർ 6 നാണ് അന്തരിച്ചത്. ഭാരത് രത്ന നൽകി രാജ്യം ആദരിച്ച മഹത് വ്യക്തിയാണ് അദ്ദേഹം.
അംബ്ദേക്റെക്കുറിച്ച് നമുക്ക് അറിയാൻ ഇടയില്ലാത്ത ചില കാര്യങ്ങൾ
അംബേദ്കറുടെ ശരിയായ പേര് അംബവദേക്കർ
വിദേശത്ത് നിന്ന് സാമ്പത്തിക ശാസ്ത്രത്തിൽ ഡോക്ടറേറ്റ് നേടുന്ന ആദ്യ ഇന്ത്യക്കാരൻ,64 ബിരുദാനന്തര ബിരുദങ്ങൾ
1935ൽ റിസർവ് ബാങ്ക് രൂപീകരണത്തിൽ നിർണ്ണായക പങ്ക്
ഇന്ത്യയിലെ തൊഴിൽ സമയം 12ൽ നിന്ന് എട്ട് മണിക്കൂറാക്കി ചുരുക്കിയതിന് പിന്നിൽ അംബേദ്കർ
അംബേദ്കറുടെ ആത്മകഥ വെയ്റ്റിംഗ് ഫോർ എ വിസ കൊളംബിയ സർവകലാശാലയിൽ പാഠപുസ്തകം.
കണ്ണുതുറന്നുളള ശ്രീബുദ്ധന്റെ ചിത്രം വരച്ച ആദ്യ വ്യക്തി ഡോ. ബി.ആർ. അംബേദ്കറാണ്. അതിനുമുമ്പ് ലോകമെമ്പാടുമുള്ള മിക്കവാറും എല്ലാ വിഗ്രഹങ്ങളും ശ്രീബുദ്ധന്റെ കണ്ണുകൾ അടച്ചിരുന്നു.
പിന്നാക്ക ജാതിയിൽപ്പെട്ട ആദ്യത്തെ അഭിഭാഷകനായിരുന്നു അംബേദ്കർ.
Comments