അഹമ്മദാബാദ്: ഗുജറാത്തിൽ നാണം കെട്ട തോൽവിയിലേക്ക് കൂപ്പുകുത്തി കോൺഗ്രസ്. കോൺഗ്രസിന്റെ ശക്തികേന്ദ്രങ്ങൾ തകർത്ത് ബിജെപി മുന്നേറുകയും ആംആദ്മി സംസ്ഥാനത്ത് വേരുറപ്പിക്കുകയും ചെയ്തതോടെ കോൺഗ്രസിന്റെ സീറ്റ് നില 78 ൽ നിന്ന് 21 ലേക്ക് തകർന്നടിഞ്ഞു. ആറ് സീറ്റുകളിലാണ് ആംആദ്മി നിലവിൽ ലീഡ് നിലനിർത്തുന്നത്. പല മണ്ഡലങ്ങളിലും കോൺഗ്രസ് വോട്ട് ബിജെപിയിലേക്കും ആംആദ്മിയിലേക്കും മറിഞ്ഞത് പാർട്ടിയ്‌ക്ക് നാണക്കേടായി.
കോൺഗ്രസിന്റെ സിറ്റിംഗ് സീറ്റുകളായ ഛോട്ടാ ഉദയ്പൂർ,ഗർബാഡ,ലിംബ്ഡി,മാണ്ഡവി,മംഗോൾ,മാനസ,സോജിത്ര,സോമനാഥ്,തഗര,വ്യാര,വാങ്കനേർ,ബാലസിനോർ,ബോട്ടാഡ്, ദെദിയാപഥ,ധോരാജി,ജെറ്റ്പൂർ,ലാത്തി,റാപ്പർ,സന്ത്രംപൂർ,ബോർസാദ്ഡാനിലിംഡ,ദണ്ഡുക,കലോൽ,കർജൻ,തലജ,തലാല,വദ്ഗം,ബേച്ചരാജി,ധന്ത,കാങ്ക്രെജ്,ഖംഭാത്,ഉൻഝാ,പാലൻപൂർ,കപദ്വഞ്ച്,ദഹോദ്,ജസ്മാൻ,പെറ്റ്‌ലാഡ്,അമ്‌റേലി,ജുനാഗഡ്,ഉന, ജലോദ്,വിരാംഗ്,ഗധാദ,ജാംനഗർ റൂറൽ,മൊദസ,പദ്ര,രാധൻപൂർ,ചോട്ടില,ഡാങ്‌സ്,ദരിയാപൂർ,നിസാർ,കൊടിനാർ,തസ്ര,ആനന്ദ്,അങ്കലാവ്,ബയാദ്,ദേവദാർ, ധനേര,ഗാന്ധിനഗർ നോർത്ത്, ജംബുസാർ,കുട്യാന,മഹുദ,നന്ദോദ്,ദസാദ,ധാരി,ധ്രംഗധ്ര എന്നിയുൾപ്പടെ 55 ഇടങ്ങളിൽ ബിജെപി മേൽക്കൈ നേടിയിരിക്കുകയാണ്.
കോൺഗ്രസിന്റെ തന്നെ സിറ്റിംഗ് സീറ്റുകളായ ഗരിയാധർ,ജംജോധ്പൂർ,വിശ്വദാർ,ബിലോദ, എന്നിവടങ്ങളിൽ ആംആദ്മിയുമാണ് ലീഡ്.
വയനാട് എംപി രാഹുൽ ഗാന്ധിയുടെ ഭാരത് ജോഡോ യാത്രയും കോൺഗ്രസ് തലപ്പത്തേക്കുള്ള മല്ലികാർജ്ജുൻ ഖാർഗെയുടെ രംഗപ്രവേശനവും വെള്ളത്തിൽ വരച്ച വരപോലെയെന്നാണ് ഗുജറാത്തിലെ ജനവിധി തെളിയിക്കുന്നത്. ഭാരത് ജോഡ് യാത്ര 90 ദിവസത്തിലേക്ക് അടുക്കുമ്പോൾ മത്സരിച്ചയിടങ്ങളിലെല്ലാം നിലം തൊടാതെ പരാജയപ്പെടുന്നതിന് ഇനി എന്ത് മറുപടിയാണ് കോൺഗ്രസിന് പറയാനുള്ളതെന്ന് കാത്തിരിക്കുകയാണ് ജനങ്ങൾ.
