ഇവിടെ ഒമ്മയും മകനും പൊരിഞ്ഞ ഇടിയാണ്… വീട്ടിലല്ല, കിക്ക് ബോക്‌സിംഗ് റിംഗിൽ. 35 കാരിയായ ആൻ മേരി ഫിലിപ്പും മകൻ ക്രിസ് ജൂബിനും റിംഗിൽ പ്രവേശിച്ചാൽ പിന്നെ പരസ്പരം സ്‌നേഹമോ വാത്സല്യമോ അല്ല, മറിച്ച് എതിരാളിയെ എങ്ങനെ പരാജയപ്പെടുത്താം എന്ന ചിന്തയാണ്.
മകനെ കിക്ക് ബോക്‌സിംഗിന് ചേർക്കാൻ വേണ്ടി കേരള കിക്ക് ബോക്‌സിംഗ് അസോസിയേഷന് കീഴിലുളള ജിമ്മിലേക്ക് വന്നതായിരുന്നു ആൻ മേരി ഫിലിപ്പ്. ദിവസേന മകന്റെ പരിശീലനം കണ്ട് നിന്ന് മടുത്തതോടെ ഒന്ന് കളത്തിലിറങ്ങാൻ തന്നെ ആ 35 കാരി തീരമാനിച്ചു. കോച്ച് ആയ കിരണിന്റെ പിന്തുണയോടെ രണ്ട് സ്വർണ മെഡലുകളാണ് ആൻ മേരി നേടിയത്.
ഡൽഹിയിൽ നടന്ന വാക്കോ ഇന്ത്യൻ ഓപ്പൺ ഇന്റർനാഷണൽ കിക്ക്ബോക്സിംഗ് ചാമ്പ്യൻഷിപ്പിൽ ലൈറ്റ് കോൺടാക്റ്റ് സീനിയർ ഫീമെയിൽ ( അണ്ടർ 60), കിക്ക് ലൈറ്റ് സീനിയർ ഫീമെയിൽ (അണ്ടർ 60 ) വിഭാഗങ്ങളിലാണ് ഇവർ സ്വർണം നേടിയത്. കുട്ടികളുടെ വിഭാഗത്തിൽ ക്രിസ് വെങ്കല മെഡലും നേടി.
Comments