ന്യൂഡൽഹി: വിസ്മയങ്ങളുടെ കലവറയാണ് പ്രകൃതി. പല തരത്തിലുള്ള രഹസ്യങ്ങളാണ് പ്രകൃതിയിൽ ഒളിഞ്ഞിരിക്കുന്നത്. ജന്തുജാലങ്ങളും സസ്യജാലങ്ങളും പരിസ്ഥിതിയും ഒക്കെ ചേർന്ന് സൃഷ്ടിക്കുന്ന അപൂർവ സുന്ദരമായ നിരവധി പ്രതിഭാസങ്ങളാണ് പ്രകൃതിയിൽ അടങ്ങിയിരിക്കുന്നത്.
പ്രകൃതിയിലെ വിഭിന്നമായ സൃഷ്ടികളിൽ പലതും പലപ്പോഴും നമ്മെ അമ്പരപ്പിക്കാറുണ്ട്. കൺകെട്ട് വിദ്യയിലൂടെ സ്വയരക്ഷ നേടുന്ന നിരവധി ജന്തുക്കൾ ഈ പ്രകൃതിയിലുണ്ട്. ഭക്ഷണം കണ്ടെത്താനും പലപ്പോഴും ശത്രുക്കളിൽ നിന്നും രക്ഷ നേടാനും ഇത്തരത്തിൽ കാഴ്ചയെ മറയ്ക്കുകയും ശബ്ദങ്ങളിലൂടെ തെറ്റിദ്ധരിപ്പിക്കുകയും ചെയ്യുന്ന അസംഖ്യം ജന്തുജാലങ്ങൾ.
ഇത്തരത്തിൽ, ഒരു പ്രാണിയുടെ വീഡിയോ പങ്കുവെച്ചിരിക്കുകയാണ് ഐ എഫ് എസ് ഉദ്യോഗസ്ഥനായ പർവീൺ കസ്വാൻ. ഒറ്റനോട്ടത്തിൽ, ഒരു ചുള്ളിക്കമ്പാണ് വീഡിയോയിൽ കാണുന്നത്. ചുള്ളിക്കമ്പിന് മേൽ സ്പർശിക്കുമ്പോൾ, അതിൽ നിന്നും ഒരു പ്രാണി എഴുന്നേറ്റ് നടക്കുന്നത് കാണാം. ചുള്ളിക്കമ്പിന്റെ ഉണങ്ങിയ തൊലിയുടെ രൂപത്തിൽ, കാണുന്നവരുടെ കാഴ്ചയെ പറ്റിച്ചാണ് ഈ വിരുതൻ കമ്പിൽ കഴിച്ചു കൂട്ടിയിരുന്നത്.
The unbelievable camouflage. This is their own defence mechanism. pic.twitter.com/52oHaozIw6
— Parveen Kaswan, IFS (@ParveenKaswan) December 20, 2022
Comments