മുംബൈ : എന്നും പ്രേരണാദായക ജീവിത മുഹൂർത്തങ്ങളുമായി എത്തുന്ന ആനന്ദ് മഹീന്ദ്രയുടെ പുതിയ ട്വീറ്റ് ശ്രദ്ധനേടുന്നു. വലിയ ഒരു കുഴിയിൽ നിന്നും എങ്ങനെ പുറത്തുകടക്കുമെന്ന് കാണിക്കുന്ന നിർമ്മാണ തൊഴിലാളിയുടെ പ്രായോഗിക ബുദ്ധിയാണ് വീഡിയോയിലൂടെ മഹീന്ദ്ര പങ്കുവെച്ചത്.
In the middle of the week you may worry that you’re only ‘running around in circles.’ Which usually means you’re achieving nothing. Well, here’s evidence that, given a clear purpose, running around in circles could have a successful result! https://t.co/dzks9JdlXJ
— anand mahindra (@anandmahindra) December 21, 2022
ഒരാൾ ഒന്നിലും വിജയിക്കുന്നില്ലെന്ന് പറയാൻ നമ്മൾ ഉദാഹരണമായി ഉപയോഗിക്കുന്നത് നിന്നിടത്തു നിന്ന് വട്ടംകറങ്ങുകയാണെന്ന പദമാണ്. എന്നാൽ പ്രായോഗിക ജീവിതത്തിൽ വട്ടം കറങ്ങിയാൽ എളുപ്പത്തിൽ കരകയറുമെന്നും ചിലർ നമ്മെ പഠിപ്പിക്കുന്നു. അതിന്റെ തെളിവാണ് ഒരു നിർമ്മാണ തൊഴിലാളിയുടെ വീഡിയോ. ജീവിതത്തിലെ പ്രായോഗിക ബുദ്ധിയുടെ നേർചിത്രമാണ് ആ വീഡിയോ നമുക്ക് നൽകുന്നതെന്നും പ്രമുഖ വ്യവസായി ട്വിറ്ററിലൂടെ വീഡിയോ പങ്കുവെച്ചുകൊണ്ട് പറയുന്നു.
കിണർ പോലുള്ള ഒരു ഇരുപത് അടിയിലേറെ ആഴമുള്ള ഒരു കുഴിയിൽ നിന്നും നിർമ്മാണ തൊഴിലാളി അനായാസം കയറോ ഏണിയോ ഉപയോഗിക്കാതെ പുറത്തേക്ക് വരുന്ന വീഡിയോ ചിത്രമാണ് ട്വീറ്റിലുള്ളത്. മരണക്കിണറിൽ ബൈക്കുകൾ ഒടിച്ചു കയറ്റുന്ന തന്ത്രം തീർത്തും ശാസ്ത്രമാണ്. വട്ടത്തിൽ കറങ്ങുന്ന വസ്തുവിന്റെ ഗതി പുറത്തേക്ക് തള്ളുന്നതാ യിരിക്കുമെന്ന ലളിതമായ തത്വം. ഈ സൂത്രം ഉപയോഗിക്കുന്നതാണ് മഹീന്ദ്ര വീഡിയോ യിലൂടെ കാണിക്കുന്നത്. തൊഴിലാളി അതിവേഗം വട്ടത്തിൽ കുഴിയുടെ വശങ്ങളിലൂടെ ചവിട്ടികറങ്ങുന്നതോടെ വേഗത്തിൽ മുകളിലെത്തുന്നതാണ് വീഡിയോ.
ഒരു ഉദ്ദേശത്തോട് കൂടി കൃത്യമായ ചുവടുവെച്ച് വേഗത്തിൽ മുന്നേറിയാൽ ഏത് പ്രതിസന്ധിയിൽ നിന്നും പുറത്തുകിടക്കാമെന്നും ആനന്ദ് മഹീന്ദ്ര ട്വീറ്റിലൂടെ പറയുന്നു.
