മാനസികവും ശാരീരികവുമായ ആരോഗ്യം നിലനിർത്തുന്നതിൽ ഉറക്കം നിർണായക പങ്ക് വഹിക്കുന്നുണ്ട്. എന്നാൽ, എല്ലാവര്ക്കും സ്വഭാവികമായി എപ്പോഴും ഉറക്കം ലഭിക്കണമെന്നില്ല. നിരവധി പേരാണ് ഉറക്കമില്ലായ്മ കാരണം പ്രശ്നങ്ങൾ അനുഭവിക്കുന്നത്. ഇതിന് നിരവധി കാരണങ്ങളുമുണ്ട്. മാനസികമായ ബുദ്ധിമുട്ടുകൾ ചിലരുടെ ഉറക്കം കെടുത്തിയേക്കാം. ചിലർക്ക് കിടക്കയിൽ സുഖമായി കിടക്കാൻ കഴിയാത്തതാവാം ഉറക്കമില്ലായ്മയ്ക്ക് കാരണം. മറ്റു ചിലർക്ക് ശരീര വേദനകൾ കൊണ്ടാവാം. കാരണം എന്തെങ്കിലും ആയിക്കോട്ടെ, നന്നായി ഉറങ്ങാൻ സാധിക്കാത്തത് ഒരു പ്രശ്നം തന്നെയാണ്. റെസ്റ്റ്ലെസ് ലെഗ്സ് സിന്ഡ്രോം(RLS) അഥവ കിടക്കുമ്പോൾ കാലിട്ട് അടിക്കുന്നതും പലരുടെയും ഉറക്കം കെടുത്തുന്നു എന്ന് ആരോഗ്യ വിദഗ്ദർ പറയുന്നു.
റെസ്റ്റ്ലെസ് ലെഗ്സ് സിന്ഡ്രോം എന്നത് ഒരു ന്യൂറോളജിക്കൽ ഡിസോർഡർ ആണ്( മസ്തിഷ്കത്തിലെ ഞരമ്പുകളുടെ പ്രശ്നം). ഉറക്കക്കുറവ്, മദ്യപാനം, വൃക്ക പ്രശ്നങ്ങൾ, പ്രമേഹം, ഗർഭധാരണം എന്നിവ കാരണം ഇവ ഉണ്ടാകാം. പലരിലും ഇത് പാരമ്പര്യമായി കാണാറുണ്ട്. ശരീരത്തില് ഇരുമ്പിന്റെ അളവ് കുറയുന്നത് മൂലവും ഇത് ഉണ്ടാകുന്നു. ഇതെങ്ങനെ പരിഹരിക്കാം എന്ന് പലരും ആലോചിക്കാറുണ്ട്. എന്നാൽ അതിനൊരു വഴിയുണ്ട്. ഉറങ്ങുന്നതിന് മുമ്പ് ഷീറ്റിനടിയിൽ കാലിന്റെ ഭാഗത്തായി ഒരു ലാവെൻഡർ(ജടാമാഞ്ചി) സോപ്പ് വയ്ക്കുക. ദിവസവും ഇങ്ങനെ ഉറങ്ങിയാൽ നിങ്ങളുടെ കാലിന്റെ പ്രശ്നങ്ങള് കുറഞ്ഞത് വരുന്നതായി അനുഭവപ്പെടും.
പഠനങ്ങൾ അനുസരിച്ച്, 42 ശതമാനത്തിലധികം ആളുകളിൽ ഇത് പ്രയോജനം ചെയ്തിട്ടുണ്ട്. ലാവെൻഡർ സോപ്പിൽ മഗ്നീഷ്യം അടങ്ങിയിരിക്കുന്നു. വൈദ്യുത ചാർജുള്ള അയോണുകൾ നമ്മുടെ ശരീരത്തിന്റെ രാസഘടനയെ മാറ്റുന്നു. ഉറക്കത്തെ സഹായിക്കുന്നതിന് പുറമേ, ഉത്കണ്ഠയുടെ ലക്ഷണങ്ങളെ ശമിപ്പിക്കാനും വിശ്രമം വർദ്ധിപ്പിക്കാനും ലാവെൻഡർ സഹായിക്കുന്നു. ലാവെൻഡറിന് ആശ്വാസം നല്കുന്ന, ഉറക്കം നൽകുന്ന ഗുണങ്ങളുണ്ട്. അപസ്മാരം ശമിപ്പിക്കാനും മൈഗ്രെയ്നും വേദന കുറയ്ക്കാനും ലാവെൻഡർ സഹായിക്കുമെന്നാണ് മറ്റ് ചില റിപ്പോർട്ടുകൾ പറയുന്നത്.
