തമിഴകത്ത് ഏറെ ആരാധകരുള്ള താരങ്ങളിൽ ഒരാളാണ് അജിത്ത് കുമാർ. താരത്തിന്റെ പുതിയ ചിത്രം തുനിവ് ജനുവരി 11-നാണ് റിലീസ് ആകാനിരിക്കുന്നത്. എച്ച് വിനോദാണ് സംവിധാനം ചെയ്തിരിക്കുന്നത്. ബോണി കപൂറാണ് ചിത്രം നിർമ്മിക്കുന്നത്. റെഡ് ജൈൻറ് മൂവിസ് തമിഴ്നാട്ടിലും, ലൈക്ക പ്രൊഡക്ഷൻ വിദേശത്തും ചിത്രം വിതരണം ചെയ്യുന്നത്.ചിത്രം തിയറ്ററിൽ വൻ വിജയം സമ്മാനിക്കുമെന്ന പ്രതീക്ഷയിലാണ് അണിയയറ പ്രവർത്തകർ.
എന്നാൽ സൗദി അറേബ്യയിൽ ചിത്രത്തിന്റെ റിലീസിന് നിരോധനം ഏർപ്പെടുത്തിയെന്നാണ് പുതിയ വിവരം. ട്രാൻസ്ജെൻറർ കഥാപാത്രങ്ങളുമായി ബന്ധപ്പെട്ട രംഗങ്ങളാണ് ചിത്രത്തിന് നിരോധനം ലഭിക്കാൻ കാരണമെന്നാണ് റിപ്പോർട്ട്. അതേ സമയം മറ്റ് ഗൾഫ് രാജ്യങ്ങളിൽ ചിത്രത്തിന്റെ സെൻസറിംഗ് കഴിഞ്ഞിട്ടില്ലെന്നും റിപ്പോർട്ടിൽ പറയുന്നു. സെൻസറിംഗ് നടപടി പൂർത്തിയായാൽ കുവൈത്ത്. ഖത്തർ തുടങ്ങിയ ഗൾഫ് രാജ്യങ്ങളിലും ചിത്രം നിരോധിക്കുമെന്നാണ് വിവരം. നേരത്തെയും ഗൾഫ് രാജ്യങ്ങളിൽ സമാന സംഭവങ്ങൾ ഉണ്ടായിട്ടുണ്ട്. വിജയ് നായകനായ ബീസ്റ്റ്, വിഷ്ണു വിശാൽഡ നായകനായ എഫ്ഐആർ എന്നിവയ്ക്കും ഉള്ളടക്കത്തിന്റെ പേരിൽ ഗൾഫ് രാജ്യങ്ങളിൽ നിരോധനം ഏർപ്പെടലുത്തിയിരുന്നു.
തുനിവിന്റെ തിരക്കഥ എച്ച്. വിനോദാണ് നിർവഹിച്ചിരിക്കുന്നത്. ഞ്ജു വാര്യരാണ് ചിത്രത്തിൽ നായികയായി എത്തുന്നത്. ജോൺ കൊക്കെൻ, ചിരാഗ് ജാനി, സമുദ്രക്കനി, വീര, പ്രേം കുമാർ, ആമിർ, അജയ്, സബി, ജി പി മുത്തു തുടങ്ങി ഒട്ടേറെ താരങ്ങളിൽ ചിത്രത്തിൽ അഭിനയിക്കുന്നുണ്ട്. തിയറ്ററർ റീലിസീന് ശേഷം തുനിവ്് നെറ്റ്ഫ്ലിക്സിലും സ്ട്രീം ചെയ്ത് തുടങ്ങുമെന്ന് അറിയിച്ചിട്ടുണ്ട്.
