ദേശീയ കരസേന ദിനത്തിൽ സൈനികരെ അഭിവാദ്യം ചെയ്ത് പ്രധാനമന്ത്രി നരേന്ദ്ര മോദി. ഇന്ത്യൻ സൈന്യത്തെ ഓർത്ത് ഓരോ പൗരനും അഭിമാനിതരാണെന്നും അദ്ദേഹം പറഞ്ഞു. രാജ്യത്തിന്റെ സുരക്ഷയ്ക്കായി ധീരസൈനികരുടെ ഇടപെടലുകൾ വിലമതിക്കാനാകാത്തതാണ്. അതിർത്തിയിൽ ജവാന്മാരുടെ വീര്യം വിലമതിക്കാനാകാത്തതാണ്. രാജ്യത്തിന്റെ സുരക്ഷ നിർവഹിക്കുന്ന ഓരോ സൈനികരെയും ഓർക്കുന്നതായും അദ്ദേഹം കൂട്ടിച്ചേർത്തു.
It is also the #ArmyDay today. Every Indian is proud of the Army. Indian Army's contribution towards the security of the nation & its borders, its valour is unparalleled: PM Narendra Modi at the flag off of Vande Bharat Express between Secunderabad and Visakhapatnam pic.twitter.com/SMldAUR24i
— ANI (@ANI) January 15, 2023
രാജ്യത്തിന് വേണ്ടി ജീവൻ ബലിയർപ്പിച്ച വീര സൈനികർക്ക് ആദരം അർപ്പിക്കുന്ന ദിനമാണ് ഇന്ന്. സൈനികരുടെ പോരാട്ടവീര്യത്തേയും ത്യാഗത്തേയും ഓർമ്മപ്പെടുത്തുന്ന ദിനം. സ്വതന്ത്ര ഇന്ത്യയുടെ ആദ്യത്തെ സൈനിക തലവനായി ജനറൽ കെ.എം കരിയപ്പ സ്ഥാനമേറ്റതിന്റെ ഓർമ്മയ്ക്കായാണ് ജനുവരി 15 കരസേനാ ദിനമായി ആചരിക്കുന്നത്. കരസേനാ ദിനത്തോടനുബന്ധിച്ച് ബെംഗളൂരുവിലെ മനേക് ഷാ പരേഡ് ഗ്രൗണ്ടിലാണ് ഇത്തവണ സൈനിക പരേഡ് നടക്കുന്നത്. 1949 മുതൽ ആഘോഷങ്ങൾ ആരംഭിച്ചതിന് ശേഷം ഡൽഹിക്ക് പുറത്ത് ആദ്യമായാണ് പരേഡ് നടക്കുന്നത്.
ലോകത്തിലെ തന്നെ ഏറ്റവും വലിയ രണ്ടാമത്തെ കരസേനയാണ് ഇന്ത്യൻ കരസേന. അതിർത്തി കാത്തു രക്ഷിക്കുകയും രാജ്യത്തെ സമാധാന പരിപാലനത്തിനും സുരക്ഷയ്ക്കും വേണ്ടി പ്രവർത്തിക്കുകയും തീവ്രവാദപ്രവർത്തനങ്ങൾക്കെതിരേ പ്രവർത്തിക്കുകയും അത്യാവശ്യഘട്ടങ്ങളിൽ ദുരിതാശ്വാസപ്രവർത്തനങ്ങളിൽ ഏർപ്പെടുകയുമാണ് കരസേനയുടെ പ്രധാന ധർമ്മങ്ങൾ. രാജ്യത്തിനായി ജീവൻ ബലിയർപ്പിച്ച ധീര സൈനികർക്ക് ആദരം അർപ്പിക്കുന്ന ദിനമാണ് ഇന്ന്.
