ഡൽഹി: യുവതലമുറ വായനാശീലം വർധിപ്പിക്കണമെന്ന നിർദ്ദേശവുമായി പ്രധാനമന്ത്രി നരേന്ദ്രമോദി. കഴിഞ്ഞ ദിവസം നേതാജി സുഭാഷ് ചന്ദ്രബോസിന്റെ 126-ാം ജന്മദിനത്തിനോടനുബന്ധിച്ച് യുവജനങ്ങളുമായി നടത്തിയ സംവാദത്തിലാണ് അദ്ദേഹം ഇക്കാര്യം സൂചിപ്പിച്ചത്.
കൂടുതൽ കൂടുതൽ വായിക്കാൻ ശ്രമിക്കണം. നിങ്ങൾക്ക് അവസരം കിട്ടുകയാണെങ്കിൽ ജീവചരിത്രങ്ങളും ആത്മകഥകളും വായിക്കണം. ഇത്തരം പുസ്തകങ്ങൾ നിങ്ങൾക്ക് പ്രചോദനം നൽകുന്നതാണ്. ജീവിതത്തിൽ അവ നിങ്ങൾക്ക് നടപ്പിലാക്കുകയും ചെയ്യാം. നിങ്ങൾ ഏതൊരു സ്ഥലം സന്ദർശിക്കുമ്പോഴും ഏതൊരു പുതിയ വ്യക്തിയെ പരിചയപ്പെടുമ്പോഴും സൂക്ഷ്മമായി നിരീക്ഷിച്ച് കാര്യങ്ങൾ മനസിലാക്കുക. ആവശ്യമെന്ന് തോന്നുന്ന കാര്യങ്ങൾ കുറിച്ച് വായിക്കാൻ ശ്രമിക്കണമെന്നും പ്രധാനമന്ത്രി പറഞ്ഞു.
വായനയാണ് മനുഷ്യന്റെ മാനസിക വളർച്ചയ്ക്ക് ഏറ്റവും അനിവാര്യം. വായനയിലൂടെയാണ് ഓരോ പുതിയ അറിവുകളും കിട്ടുന്നത്. കൂടുതൽ കൂടുതൽ വായിക്കുന്നതിലൂടെ നല്ല പൗരന്മാരെ വളർത്തിയെടുക്കാനും നല്ല ചിന്തകൾക്കുടമയാകാനും സാധിക്കുമെന്നും പ്രധാനമന്ത്രി നിർദേശിച്ചു.
Comments