ന്യൂഡൽഹി: ജെഎൻയുവിൽ ജനം ടിവി വാർത്ത സംഘത്തിന് നേരെ ഇടത് ജിഹാദി ശക്തികളുടെ ആക്രമണം. കഴിഞ്ഞ ദിവസം രാത്രിയോടെയണ് സംഭവം. അക്രമണത്തിൽ ജനം ഡൽഹി ബ്യാറോ ചിഫ് ഗൗതം അനന്തനാരായണൻ, ക്യാമറമാൻ ഉണ്ണി കെ വാര്യർ എന്നിവർക്ക് പരുക്കേറ്റു. ബിബിസി ഡോക്യുമെന്ററി പ്രദർശനവുമായി ബന്ധപ്പെട്ട സംഘർഷത്തിനിടെ ജനം ടിവി സംഘത്തെ തിരഞ്ഞുപിടിച്ച് ആക്രമിക്കുകയായിരുന്നു.
വൈദ്യുതി വിച്ഛേദിക്കപ്പെട്ടതിനെ തുടർന്ന് ജെഎൻയു ക്യാമ്പസിൽ മുസ്ലീം, ഇടത് വിദ്യാർത്ഥി സംഘടനകൾ നടത്തിയ ഡോക്യുമെന്ററി പ്രദർശനം മുടങ്ങി. ഇതിൽ പ്രകോപിതരായ മുസ്ലീം, ഇടത് സംഘടനകളുടെ അക്രമി സംഘം വിദ്യാർത്ഥികൾക്ക് നേരെ ആക്രമണം അഴിച്ചുവിടുകയായിരുന്നു. ഇത് റിപ്പോർട്ട് ചെയ്യാനെത്തിയ ജനം വാർത്താ സംഘത്തിന് നേരെയാണ് അതിക്രമം നടന്നത്.
ജെഎൻയുവിൽ ജനംടിവി സംഘത്തിന് നേരെ ആക്രമണം; അഴിഞ്ഞാടി ഇടത്, ജിഹാദി അക്രമി സംഘം #JNUCampus #JNUSU #JNU #Documentary pic.twitter.com/scuXIBJUaC
— Janam TV (@tvjanam) January 25, 2023
ആർഎസ്എസിനെ അനുകൂലിക്കുന്ന ജനം ടിവി ക്യാമ്പസ് വിട്ടുപോകുക എന്ന് ആക്രോശിച്ചുകൊണ്ടായിരുന്നു ആക്രമണം. 2016 ഫെബ്രുവരി ഒമ്പതിന് ജെഎൻയുവിൽ ഇടത്, ജിഹാദി വിദ്യാർത്ഥി സംഘടനകൾ നടത്തിയ ഭീകരൻ അഫസൽ ഗുരു അനുസ്മരണത്തിനെതിരെ ശക്തമായ നിലപാട് സ്വീകരിച്ചത് ജനം ടിവിയാണ്. അന്ന് മുതൽ ജെഎൻയുവിൽ തീവ്ര ഇടത് ജിഹാദി ശക്തികൾ ജനം ടിവിയെ ലക്ഷ്യമിട്ടിരുന്നു.
സംഭവത്തിൽ പ്രതിഷേധം അറിയിച്ച് വർക്കിംഗ് ജേർണലിസ്റ്റ് ഓഫ് ഇന്ത്യ രംഗത്തെത്തി. പ്രതികളെ ഉടൻ പിടികൂടണമെന്നും മാദ്ധ്യമങ്ങൾക്ക് നേരെ ജെഎൻയുവിൽ നടക്കുന്ന അതിക്രമങ്ങൾ അവസാനിപ്പിക്കണമെന്നും യൂണിയൻ ആവശ്യപ്പെട്ടു.
Comments