ഇന്ത്യൻ ഓപ്പണർ മുരളീ വിജയ് അന്താരാഷ്ട്ര ക്രിക്കറ്റിൽ നിന്ന് വിരമിക്കുന്നു. ക്രിക്കറ്റ് ലോകത്തെ പുത്തൻ അവസരങ്ങളും ബിസിനസ് സാധ്യതകളും പര്യവേഷണം ചെയ്യാൻ പോകുന്നുവെന്ന പ്രഖ്യാപനത്തോടെയാണ് മുരളീ വിജയിയുടെ വിരമിക്കൽ. 2018 ഡിസംബറിൽ ഓസ്ട്രേലിയക്ക് എതിരായ ടെസ്റ്റ് പരമ്പരയിലാണ് മുരളി വിജയ് അവസാനമായി ഇന്ത്യയ്ക്ക് വേണ്ടി കളിച്ചത്.
അന്താരാഷ്ട്ര ക്രിക്കറ്റിൽ നിന്നുള്ള വിരമിക്കൽ ട്വിറ്റർ വഴിയാണ് മുരളി ആരാധകരെ അറിയിച്ചത്. 61 ടെസ്റ്റ് പരമ്പരകളും 9 ടി-20 മത്സരങ്ങളും മുരളി കളിച്ചിട്ടുണ്ട്. 2008-ലാണ് അദ്ദേഹം ക്രിക്കറ്റിൽ കരിയർ ആരംഭിച്ചത്.
ഇന്ത്യൻ ഓപ്പണർ സ്റ്റൈലിഷ് ബാറ്റർമാരിൽ ഒരാളായ വിജയ് 61 ടെസ്റ്റുകളിൽ നിന്ന് 12 ടെസ്റ്റ് സെഞ്ച്വറികളും 15 അർദ്ധ സെഞ്ച്വറികളും നേടി. ചെന്നൈ സൂപ്പർ കിംഗ്സ് താരമായിരിക്കെയാണ് ഇന്ത്യൻ പ്രീമിയർ ലീഗിലും തന്റെ മുദ്ര പതിപ്പിച്ചത്. ഐപിഎല്ലിൽ രണ്ട് സെഞ്ച്വറികളും 106 മത്സരങ്ങളിൽ നിന്ന് 2,619 റൺസുകളും വിജയ് നേടിയിട്ടുണ്ട്.
