തിരുവനന്തപുരം: സംസ്ഥാനത്തെ കോളേജ് ഹോസ്റ്റലുകളില്‍ പരിശോധന നടത്താന്‍ ഉന്നതവിദ്യാഭ്യാസ വകുപ്പ്. ഹോസ്റ്റലുകളില്‍ അനധികൃതമായി താമസിക്കുന്നവരെ കണ്ടെത്തി ഒഴിവാക്കുന്നതിന്റെ ഭാഗമായാണ് പരിശോധന നടത്തുന്നത്. 2023ല്‍ കോളേജ് ഹോസ്റ്റലുകളിലെ അനധികൃത താമസക്കാരെ ഒഴിവാക്കാന്‍ പുറപ്പെടുവിച്ച ഉത്തരവ് കര്‍ശനമായി നടപ്പാക്കാനാണ് തീരുമാനം. ഇതുസംബന്ധിച്ച് പ്രിന്‍സിപ്പല്‍മാര്‍ക്കും ഹോസ്റ്റല്‍ വാര്‍ഡന്‍മാര്‍ക്കും കോളേജ് വിദ്യാഭ്യാസ ഡയറക്ടറേറ്റ് നിര്‍ദേശം നല്‍കി.
Don’t miss the latest breaking news and updates! Subscribe to Janam TV’s WhatsApp channel now…
https://whatsapp.com/channel/0029Va4LMqWE50UdrVhraq0y
സര്‍വകലാശാലകള്‍ക്കും കോളേജുകള്‍ക്കും അവധിയായിരിക്കുമ്പോള്‍ ഹോസ്റ്റലുകള്‍ക്കും അവധി നല്‍കണമെന്നാണ് നിര്‍ദേശം. അക്കാദമിക ആവശ്യങ്ങള്‍ക്കായി മാത്രം അവധിക്കാലത്ത് ഹോസ്റ്റലില്‍ തുടരാന്‍ അനുമതി നല്‍കും. ഇതിനായി ബന്ധപ്പെട്ട അധികാരികളില്‍ നിന്ന് മുന്‍കൂര്‍ അനുമതി നേടണമെന്നും നിര്‍ദേശമുണ്ട്. ഹോസ്റ്റലില്‍ താമസിക്കുന്ന വിദ്യാര്‍ഥികളുടെ വിവരങ്ങള്‍ കൃത്യമായി പരിശോധിക്കുകയും അനധികൃത താമസം അനുവദിക്കാതിരിക്കുകയും ചെയ്യണമെന്നാണ് നിര്‍ദേശം.
