‘രാഷ്‌ട്രം ആദ്യം, പൗരൻ ആദ്യം’ ; ലോകം ഇന്ത്യയുടെ ബജറ്റിലേക്ക് ഉറ്റുനോക്കുകയാണ്; പ്രധാനമന്ത്രി

ന്യൂഡൽഹി: രാജ്യത്തെ സമ്പദ് വ്യവസ്ഥയെപ്പറ്റി നല്ല വാക്കുകളാണ് കേൾക്കുന്നതെന്ന് പ്രധാനമന്ത്രി നരേന്ദ്ര മോദി. ഇന്ത്യയുടെ ബജറ്റിനെ ലോകം ഉറ്റുനോക്കുന്നതായും അദ്ദേഹം പറഞ്ഞു. പുതിയ ഉന്മേഷത്തോടെയാണ് പാർലമെന്റിൽ ബജറ്റ് സമ്മേളനം തുടങ്ങുന്നത്. സാധാരണക്കാരുടെ പ്രതീക്ഷ സഫലമാകുന്ന തരത്തിലാണ് ഇത്തണ ബജറ്റ് നടത്തുകയെന്നും രാഷ്‌ട്രപതിയുടെ അഭിസംബോധന സ്ത്രീകൾക്കും വനവാസി വിഭാഗങ്ങൾക്കുമുള്ള നേട്ടമാണെന്നും പ്രധാനമന്ത്രി കൂട്ടിച്ചേർത്തു.

പാർലമെന്റിന്റെ സംയുക്ത സമ്മേളനത്തെ അഭിസംബോധന ചെയ്യുന്ന രാഷ്‌ട്രപതിയുടെ ആദ്യ പ്രസംഗം നമ്മുടെ ഭരണഘടനയ്‌ക്കും സ്ത്രീകളോടുള്ള ബഹുമാനത്തിനും അഭിമാനകരമാണെന്നും പ്രധാനമന്ത്രി പറഞ്ഞു. അസ്ഥിരമായ സാമ്പത്തിക സാഹചര്യത്തിനിടയിലും ലോകം ഇന്ത്യയുടെ ബജറ്റിലേക്ക് ഉറ്റുനോക്കുകയാണ്. ഇതൊരു അവസരമാണെന്നും നരേന്ദ്ര മോദി പറഞ്ഞു. ആഗോള സമ്പദ് വ്യവസ്ഥയുടെ ഉജ്ജ്വല ഇടമാകും ഇന്ത്യയുടെ ബജറ്റ് എന്നും അദ്ദേഹം പറഞ്ഞു. പാർലമെന്റിൽ ബജറ്റ് സമ്മേളനം ആരംഭിക്കുന്നതിന് മുന്നടിയായി രാജ്യത്തെ അഭിസംബോധന ചെയ്യുകയായിരുന്നു പ്രധാനമന്ത്രി.

Delhi | Ceremonial escort to President Droupadi Murmu to Parliament to address the joint session at the start of the Budget session

(Source: DD) pic.twitter.com/YZgGMkqYiW

— ANI (@ANI) January 31, 2023

‘ഇന്ത്യ ആദ്യം, പൗരൻ ആദ്യം’ നമ്മുടെ തൊഴിൽ സംസ്‌കാരത്തിന്റെ കേന്ദ്രം എന്ന ചിന്ത സ്വീകരിച്ചാകും പാർലമെന്റിന്റെ ബജറ്റ് സമ്മേളനത്തെ മുന്നോട്ട് കൊണ്ടുപോകുക. പ്രതിപക്ഷ നേതാക്കൾ പാർലമെന്റിന് മുൻപാകെ അഭിപ്രായം അവതരിപ്പിക്കുമെന്ന് പ്രതീക്ഷിക്കുന്നതായും പ്രധാനമന്ത്രി പറഞ്ഞു.