ബജറ്റ് അവതരണ വേളയിൽ ചിരി പടർത്തി ധനമന്ത്രി നിർമലാ സീതാരാമന്റെ നാക്കുപിഴ. 2023-24 സാമ്പത്തിക വർഷത്തിലേക്കുള്ള ബജറ്റ് പ്രഖ്യാപിക്കുന്നതിനിടെ കാലപ്പഴക്കം ചെന്ന വാഹനങ്ങൾ മാറ്റിസ്ഥാപിക്കുന്നതുമായി ബന്ധപ്പെട്ട പ്രഖ്യാപനം നടത്തുമ്പോഴായിരുന്നു ധനമന്ത്രി പ്രയോഗിച്ച വാക്ക് ചെറുതായൊന്ന് മാറി പോയത്.
പൊല്യൂട്ടിംഗ് (polluting) എന്ന് പറയേണ്ടതിന് പകരം ധനമന്ത്രി പൊളിറ്റിക്കൽ (Political) എന്നായിരുന്നു പറഞ്ഞത്. ഇതോടെ ലോക്സഭയിൽ ഒത്തുകൂടിയ എൻഡിഎ അംഗങ്ങൾ പൊട്ടിച്ചിരിച്ചു. നാക്കുപിഴ സംഭവിച്ച സാഹചര്യത്തിൽ ക്ഷമാപണം ചോദിച്ചുകൊണ്ട് ധനമന്ത്രിയും തന്റെ ചിരിയടക്കി.
‘Vehicle replacement is an important ongoing policy,’ ‘Replacing the old political… oh, sorry…,’
ഇതായിരുന്നു ധനമന്ത്രി പറഞ്ഞത്. ഇതിന് ശേഷം ലോക്സഭയിൽ കൂട്ടച്ചിരി ഉയരുകയായിരുന്നു. എൻഡിഎ അംഗങ്ങളുടെ ചിരിക്ക് മറുപടിയായി ‘I know!,’ എന്ന് നിർമലാ സീതാരാമൻ ചിരിച്ചുകൊണ്ട് പറഞ്ഞു. തുടർന്ന് തെറ്റിപ്പോയ വാക്ക് ഉൾപ്പെടുന്ന വാചകം ആവർത്തിക്കുകയും അതിൽ പൊല്യൂട്ടിംഗ് എന്ന പദം വന്നപ്പോൾ ധനമന്ത്രി ഊന്നിപ്പറയുകയും ചെയ്തു. പിന്നീടുള്ള പ്രസംഗത്തിനിടയിലും ഇതേ വാക്ക് വന്നപ്പോൾ ഏറെ ശ്രദ്ധചെലുത്തിയാണ് ധനമന്ത്രി സംസാരിച്ചത്.
Comments