ലോകം കണ്ടതിൽ വെച്ച് ഏറ്റവും മികച്ച മനുഷ്യവകാശ പ്രവർത്തകരിൽ ഒരാളാണ് മലാല യൂസഫ്സായി. സ്ത്രീകളുടെ വ്യക്തി സ്വാതന്ത്ര്യത്തിനും അവകാശങ്ങൾക്കുമായി നിരന്തരം ശബ്ദം ഉയർത്തുന്ന ആളാണ് മലാല. മലാല തന്റെ സമൂഹമാദ്ധ്യമങ്ങളിൽ പങ്കുവെച്ച വേറിട്ട പോസ്റ്റാണ് ഇപ്പോൾ വൈറലാകുന്നത്. ഭർത്താവ് അസ്റ്റർ മാലിക്കിന്റെ അഴുക്കായ സോക്സുമായി ബന്ധപ്പെട്ടാണ് പോസ്റ്റ്!
ഇപ്രകാരമാണ് പോസ്റ്റിൽ പറയുന്നത്; ‘സോഫയിൽ ഈ സോക്സ് കിടക്കുന്നത് കണ്ടു. അസ്സറിനോട് അത് അവന്റേത് ആണോ എന്ന് ചോദിച്ചു. ‘അതെ’ അവ അഴുക്കാണ് അത് അവിടെ നിന്ന് മാറ്റാം എന്നാണ് അവൻ പറഞ്ഞത്. അതുകൊണ്ട് ഞാനത് വേസ്റ്റ് ബിന്നിൽ ഇട്ടു’ എന്നാണ് മലാല ട്വിറ്ററിൽ എഴുതിയിരിക്കുന്നത്.
പാകിസ്താൻ ക്രിക്കറ്റ് ബോർഡിന്റെ മനേജറാണ് അസ്സർ മാലിക്. മലാലയുടെ ട്വീറ്റിന് അസ്സറും മറുപടി നൽകിയിട്ടുണ്ട്. അതിന് വേണ്ടി ഒരു പോളും അസ്സർ ഉണ്ടാക്കിയിരുന്നു. ‘ സോഫയിൽ അഴുക്ക് പിടിച്ച സോക്സ് കണ്ടാൽ എന്ത് ചെയ്യും? വേസ്റ്റ് ബിന്നിൽ കളയുമോ അതോ അലക്കാനിടുമോ? എന്നാണ് അസ്സർ ചോദിച്ചത്. ഭൂരിഭാഗം പേരും പറഞ്ഞിരിക്കുന്നത് അവ വേസ്റ്റ് ബിന്നിൽ ഇടുമെന്നാണ്. 57 ശതമാനത്തിലധികം പേരാണ് ഇത്തരത്തിൽ അഭിപ്രായം പറഞ്ഞിരിക്കുന്നത്.
Found socks on sofa, asked @MalikAsser if they were his, he said the socks were dirty and I can put them away. So I took them and put them in the (rubbish) bin.
— Malala Yousafzai (@Malala) February 4, 2023
ഇതിന് പിന്നാലെ മലാലയുടെ പോസ്റ്റ് വൈറലാകുകയായിരുന്നു. നിരവധി പേരാണ് പോസ്റ്റിന് കമന്റ് രേഖപ്പെടുത്തിയത്. എന്റെ ഭർത്താവ് ഇതുപോലെ അവിടേം ഇവിടേം വലിച്ചെറിയുന്ന സാധനങ്ങൾ മാത്രമായി എന്റെ പക്കൽ ഒരു പെട്ടി ഉണ്ട്. ഞാൻ അവ വലിച്ചെറിയാൻ പോകുന്നില്ല. ഞാൻ അതിനെക്കുറിച്ച് ചർച്ച ചെയ്യാനും പോകുന്നില്ല. എന്നാൽ, ഇതുപോലെ അഴുക്ക് നിറഞ്ഞ സോക്സുകൾ വലിച്ചെറിയുന്ന ഒരു വീട്ടിൽ ഞാൻ ജീവിക്കാനും പോകുന്നില്ല എന്നാണ് ഒരാൾ കമന്റ് ചെയ്തത്. ഒരുപാട് സ്ത്രീകളുടെ ദയനീയാവസ്ഥ ഇങ്ങനെയാണ് എന്നാണ് പലരും കമന്റ് ചെയ്തത്.
