ചരിത്രം കുറിച്ച് പയ്യോളി എക്സ്പ്രസ്സ്; രാജ്യസഭ നടപടികൾ നിയന്ത്രിച്ച് ഒളിമ്പ്യൻ പി.ടി ഉഷ എംപി

ന്യുഡൽഹി: രാജ്യസഭ നടപടികൾ നിയന്ത്രിച്ച് ഒളിമ്പ്യൻ പി.ടി ഉഷ എംപി. രാജ്യസഭ നിയന്ത്രിക്കുന്നതിനുള്ള വൈസ് ചെയർമാൻമാരുടെ പാനലിലേക്ക് പി.ടി ഉഷയെ നേരത്തെ രാജ്യസഭ ചെയർമാൻ ജഗ്ദീപ് ധൻഖർ നാമനിർദ്ദേശം ചെയ്തിരുന്നു.

നാമനിർദ്ദേശം ചെയ്യപ്പെട്ട അംഗത്തെ വൈസ് ചെയർമാൻമാരുടെ പാനലിലേക്ക് നിയോഗിക്കുന്നത് ഇതാദ്യമായാണ്. അതുകൊണ്ട് തന്നെ ആദ്യമായി രാജ്യസഭ നിയന്ത്രിച്ച നാമനിർദ്ദേശം ചെയ്യപ്പെട്ട അംഗമെന്ന ബഹുമതി ഉഷയ്‌ക്ക് സ്വന്തം. ഇന്ത്യൻ ഒളിമ്പിക് അസോസിയേഷൻ അദ്ധ്യക്ഷയായി തിരഞ്ഞെടുക്കപ്പെട്ട പി.ടി ഉഷ എംപി, ഈ പദവിയിലെത്തുന്ന ആദ്യത്തെ വനിതയെന്ന ബഹുമതിയും സ്വന്തമാക്കിയിരുന്നു. നേരത്തെ ഏഷ്യൻ അത്‌ലറ്റിക് ഫെഡറേഷന്റെയും ഇന്ത്യൻ അത്‌ലറ്റിക് ഫെഡറേഷന്റെയും നിരീക്ഷക പദവി ഉഷ വഹിച്ചിരുന്നു.

രാജ്യസഭ നടപടികൾ നിയന്ത്രിക്കുന്ന വീഡിയോക്കോപ്പം വിഖ്യാതനായ അമേരിക്കാൻ പ്രസിഡന്റ് ഫ്രാങ്ക്‌ലിൻ ഡി. റൂസ്വെൽറ്റിന്റെ വരികളാണ് സമൂഹമാദ്ധ്യമത്തിൽ പങ്കുവെച്ചത്.

"Great power involves great responsibility" as said by Franklin D. Roosevelt was felt by me when I chaired the Rajya Sabha session. I hope to create milestones as I undertake this journey with the trust and faith vested in me by my people.
🎥 @sansad_tv pic.twitter.com/bR8wKlOf21

— P.T. USHA (@PTUshaOfficial) February 9, 2023

മഹത്തായ അധികാരം വലിയ ഉത്തരവാദിത്തം ഉൾക്കൊള്ളുന്നു’ എന്ന വാക്കുകളാണ് രാജ്യസഭാ സമ്മേളനത്തിൽ അദ്ധ്യക്ഷകസേരയിലിരുന്നപ്പോൾ തനിക്ക് തോന്നുന്നത് എന്നും, ജനങ്ങൾ തന്നിൽ അർപ്പിക്കുന്ന വിശ്വാസത്തിൽ ഈ കർമ്മമേഖലയിൽ നാഴികക്കല്ലുകൾ സൃഷ്ടിക്കാൻ സാധിക്കുമെന്ന് പ്രതീക്ഷിക്കുന്നുവെന്നും ഉഷ പ്രതികരിച്ചു.