കൊച്ചി: സംവിധായകൻ, തിരക്കഥാകൃത്ത്, അഭിനേതാവ് എന്നീ നിലകളിൽ ശ്രദ്ധേയനായ വിപിൻ ആറ്റ്ലി സംവിധാനം ചെയ്യുന്ന പുതിയ ചിത്രം ‘സ്റ്റീവ് ആൻഡ് പോളി’ക്ക് തുടക്കമായി. സെപ്റ്റംബർ 28ന് കൊച്ചി ഇടപ്പള്ളി അഞ്ചുമന ദേവീക്ഷേത്രത്തിൽ നടന്ന ചടങ്ങിലാണ് ചിത്രത്തിന് തുടക്കമായത്.
നടനും നിർമ്മാതാവുമായ വിജയ് ബാബു സ്വിച്ചോൺ കർമം നിർവഹിച്ചു. നിർമ്മാതാക്കളായ എൻ.എം. ബാദ്ഷയും മുസമ്മിൽ തങ്ങളും ചേർന്ന് ഫസ്റ്റ് ക്ലാപ്പ് നൽകി.
എപ്പിക്ക് ഫിലിംസ് & എന്റർടൈൻമെന്റ് പ്രൈവറ്റ് ലിമിറ്റഡിന്റെ ബാനറിൽ എൻ.എ. മോഷൻ പിക്ചേഴ്സുമായി സഹകരിച്ച് നരേഷ് കുമാർ ജെ., നസീർ അഹമ്മദ് എന്നിവരാണ് ചിത്രം നിർമ്മിക്കുന്നത്. ലിജു നടേരി എക്സിക്യൂട്ടീവ് പ്രൊഡ്യൂസറാണ്.
ആംഗ്ലോ ഇന്ത്യൻ സമൂഹത്തിന്റെ പശ്ചാത്തലത്തിൽ കഥ
കൊച്ചിയിലെ ആംഗ്ലോ ഇന്ത്യൻ സമൂഹത്തിന്റെ പശ്ചാത്തലത്തിൽ ഹ്യൂമറും വയലൻസും സമന്വയിപ്പിച്ചാണ് വിപിൻ ആറ്റ്ലി ചിത്രം ഒരുക്കുന്നത്. ആംഗ്ലോ ഇന്ത്യൻ സംസ്കാരത്തിന്റെ ആചാരാനുഷ്ഠാനങ്ങളും ജീവിതരീതികളും കഥയിൽ കോർത്തിണക്കിയുള്ള ക്ലീൻ എന്റർടൈനറായിരിക്കും ‘സ്റ്റീവ് ആൻഡ് പോളി’.
സാജിദ് യാഹ്യയും പുതുമുഖം സിദ്ധാർത്ഥ് സത്യയും ചിത്രത്തിലെ കേന്ദ്ര കഥാപാത്രങ്ങളായ സ്റ്റീവിനെയും പോളിയെയും അവതരിപ്പിക്കും.
ഡ്രാക്കുള സുധീർ, ജൂഡ് ആന്റണി ജോസഫ്, മോസപ്പൻ, നിയാ ലൂക്ക്, മുൻസില, ശ്രയാ രാജീവ്, ജേക്കബ് ജോർജ് ജയിംസ് എന്നിവരും ചിത്രത്തിൽ പ്രധാന വേഷങ്ങളിലെത്തുന്നു.
അണിയറയിൽ പ്രമുഖർ
സംഗീതം: മുഹമ്മദ് സത്താർജി
ഛായാഗ്രഹണം: ജോസഫ് സാനിയേൽ (നവാസ് ലെൻസ്മാൻ)
എഡിറ്റിംഗ്: എ.ആർ. ജിബീഷ്
കലാസംവിധാനം: കോയാസ്
മേക്കപ്പ്: മനോജ് അങ്കമാലി
കോസ്റ്റ്യൂം ഡിസൈൻ: അക്ഷയ അഖിൽ
ചീഫ് അസോസിയേറ്റ് ഡയറക്ടർ: ഉണ്ണി.സി.
അസോസിയേറ്റ് ഡയറക്ടർ: രാജി ആർ. മേനോൻ
വി.എഫ്.എക്സ്: വിഷ്ണു മൂവി വെഞ്ച്വർ
ഒക്ടോബർ ആദ്യവാരത്തിൽ കൊച്ചിയിൽ ചിത്രീകരണം ആരംഭിക്കും. കൊച്ചിക്ക് പുറമേ പോണ്ടിച്ചേരി, ആലപ്പുഴ, മൂന്നാർ എന്നിവിടങ്ങളിലായാണ് ചിത്രത്തിന്റെ പ്രധാന ഭാഗങ്ങൾ ചിത്രീകരിക്കുക.
ആംഗ്ലോ ഇന്ത്യൻ സമൂഹത്തിന്റെ സംസ്കാരവും ജീവിതരീതികളും ഹ്യൂമറും വയലൻസും ചേർത്തുള്ള കഥപറച്ചിലും ഒരുമിപ്പിക്കുന്ന ‘സ്റ്റീവ് ആൻഡ് പോളി’യിലൂടെ വേറിട്ടൊരു സിനിമാനുഭവമാണ് വിപിൻ ആറ്റ്ലി ഒരുക്കുന്നത്.
