പുൽവാമ ഭീകരാക്രമണത്തിൽ ജീവൻ ബലിയർപ്പിച്ച ധീരജവാന്മാരെ രാജ്യം അഭിവാദ്യം ചെയ്യുന്നു; പ്രതിരോധ മന്ത്രി രാജ്‌നാഥ് സിംഗ്

ന്യൂഡൽഹി: ജമ്മുകശ്മീരിലെ പുൽവാമ ഭീകരാക്രമണത്തിൽ വീരമൃത്യു വരിച്ച സൈനികരെ അനുസ്മരിച്ച് പ്രതിരോധ മന്ത്രി രാജ്നാഥ് സിംഗ്. അവരുടെ ധീരതയെയും പരമോന്നത ത്യാഗത്തെയും രാജ്യം അഭിവാദ്യം ചെയ്യുന്നുവെന്നും രാജ്യം മുഴുവൻ അവരുടെ കുടുംബത്തോടൊപ്പം ഉണ്ടാകുമെന്നും പ്രതിരോധമന്ത്രി പറഞ്ഞു. ട്വിറ്ററിലൂടെയായിരുന്നു അദ്ദേഹത്തിന്റെ പ്രതികരണം.

‘2019ൽ പുൽവാമയിൽ നടന്ന ഭീകരാക്രമണത്തിൽ വീരമൃത്യു വരിച്ച ധീരജവാന്മാർക്ക് ഞാൻ ആദരാഞ്ജലികൾ അർപ്പിക്കുന്നു. വീരമൃത്യു വരിച്ച ഈ സൈനികരുടെ ധീരതയെയും ത്യാഗത്തെയും ഈ രാജ്യം അഭിവാദ്യം ചെയ്യുന്നു. രാജ്യം മുഴുവൻ അവരുടെ കുടുംബത്തോടൊപ്പം ഉറച്ചുനിൽക്കുന്നു’ – പ്രതിരോധ മന്ത്രി ട്വീറ്റ് ചെയ്തു.

साल 2019 में पुलवामा में हुए आतंकी हमले में अपना बलिदान देने वाले बहादुर जवानों के प्रति मैं अपनी श्रद्धांजलि अर्पित करता हूँ। यह देश वीरगति को प्राप्त हुए इन जवानों के साहस और बलिदान को नमन करता है। उनके परिवारों के साथ पूरा देश मज़बूती के साथ खड़ा है।

— Rajnath Singh (@rajnathsingh) February 14, 2023

പ്രധാനമന്ത്രി നരേന്ദ്രമോദി, ആഭ്യന്തരമന്ത്രി അമിത് ഷാ, വിദേശകാര്യ മന്ത്രി എസ്. ജയശങ്കർ എന്നിവരും പുൽവാമ ദിനത്തിൽ വീരമൃത്യുവരിച്ച സൈനികരെ അനുസ്മരിച്ചു. സൈനികരുടെ ബലിദാനം രാജ്യം ഒരിക്കലും വിസ്മരിക്കില്ലെന്നും ജവാന്മാർ പകർന്ന ധൈര്യമാണ് ശക്തവും വികസിതവുമായ ഭാരതത്തെ പടുത്തുയർത്തുന്നതിനുള്ള പ്രചോദനമെന്നും പ്രധാനമന്ത്രി ട്വിറ്ററിലൂടെ പറഞ്ഞു.

Remembering our valorous heroes who we lost on this day in Pulwama. We will never forget their supreme sacrifice. Their courage motivates us to build a strong and developed India.

— Narendra Modi (@narendramodi) February 14, 2023

പുൽവാമ ഭീകരാക്രമണത്തിൽ വീരമൃത്യു വരിച്ച ധീര ജവാന്മാർക്ക് ആദരാഞ്ജലികൾ അർപ്പിക്കുന്നുവെന്നും. അവരുടെ ത്യാഗം രാജ്യത്തിന് ഒരിക്കലും മറക്കാനാവില്ലെന്നും. സൈനികരുടെ വീര്യവും ധൈര്യവും തീവ്രവാദത്തിനെതിരായ പോരാട്ടത്തിൽ എന്നും പ്രചോദനമായി നിലനിൽക്കുമെന്നും ആഭ്യന്തരമന്ത്രി പറഞ്ഞു.

I pay homage to the brave soldiers who laid down their lives in the ghastly terror attack in Pulwama on this day in the year 2019. The nation can never forget their sacrifice. Their valour and indomitable courage will always remain an inspiration in the fight against terrorism.

— Amit Shah (@AmitShah) February 14, 2023

പുൽവാമ ഭീകരാക്രമണത്തിൽ വീരമൃത്യു വരിച്ച ധീരരായ ജവാൻമാർക്ക് ആദരാഞ്ജലികൾ അർപ്പിക്കുന്നുവെന്നും അതിർത്തി കടന്നുള്ള ഭീകരതയെ ചെറുത്തുതോൽപ്പിക്കുമെന്നും വിദേശകാര്യ മന്ത്രി പറഞ്ഞു.

Homage to our courageous jawans who laid down their lives this day in Pulwama in 2019.

We pay tribute by maintaining our vigil and countering cross-border terrorism.

— Dr. S. Jaishankar (@DrSJaishankar) February 14, 2023

2019 ഫെബ്രുവരി 14-ന് ജമ്മുകശ്മീരിലെ പുൽവാമ ജില്ലയിലെ ലത്താപോരയിൽ സിആർപിഎഫ് വാഹന വ്യൂഹത്തിന് നേരെ ജെയ്‌ഷെ മുഹമ്മദ് ഭീകരൻ സ്‌ഫോടക വസ്തുക്കൾ നിറച്ച വാഹനം ഇടിച്ചുകയറ്റുകയായിരുന്നു. സ്‌ഫോടനത്തിൽ 40 സിആർപിഎഫ് ജവാന്മാർ വീരമൃത്യു വരിച്ചു. സംഭവത്തിന് പിന്നിൽ പ്രവർത്തിച്ച ആറ് ഭീകരരെ വകവരുത്തുകയും ഏഴ് പേരെ സുരക്ഷാ സേന പിടികൂടുകയും ചെയ്തിരുന്നു.

ഭീകരാക്രമണത്തിന് പിന്നിലെ പാക് ഗൂഡാലോചനയ്‌ക്ക് ബാലാക്കോട്ടിൽ ബോംബ് വർഷിച്ചാണ് ഭാരതം മറുപടി നൽകിയത്. 2019 ഫെബ്രുവരി 27-ന് പാക് അധിനിവേശ കശ്മീരിലെ ജയ്‌ഷെ മുഹമ്മദ് ഭീകര ക്യാമ്പിന് മുകളിലൂടെ പറന്നുയർന്ന ഇന്ത്യൻ വ്യോമസേനയുടെ മിറാഷ് 2000 വിമാനങ്ങൾ ബോംബുകൾ വർഷിച്ച് പ്രദേശത്തെ ചാരമാക്കി. ആക്രമണത്തിൽ 350-ൽ അധികം ജയ്‌ഷെ ഭീകരരെ സൈന്യം വധിച്ചു.