മഹാരാഷ്‌ട്ര സന്ദർശനം; ഡോക്ടർജിയുടെയുടെയും ഗുരുജിയുടെയും സ്മൃതിമണ്ഡപത്തിൽ കേന്ദ്രആഭ്യന്തരമന്ത്രി അമിത് ഷാ പുഷ്പാർച്ചന നടത്തി

മുംബൈ: രാഷ്‌ട്രീയ സ്വയംസേവക സംഘത്തിന്റെ സ്ഥാപകൻ ഡോ. കേശവബലിറാം ഹെഡ്‌ഗേവാറിന്റെയും ദ്വിതീയ സർസംഘചാലക് ഗുരുജി ഗോൾവാൾക്കറിന്റെയും സ്മൃതി മണ്ഡപത്തിൽ കേന്ദ്ര ആഭ്യന്തരമന്ത്രി അമിത് ഷാ പുഷ്പാർച്ചന നടത്തി. ശനിയാഴ്ച നാഗ്പൂരിലെ ആർഎസ്എസ് ആസ്ഥാനത്ത് എത്തിയാണ് പുഷ്‌പാർച്ചന നടത്തിയത്. ഇന്ന് മുതൽ രണ്ട് ദിവസത്തെ സന്ദർശനത്തിന് മഹാരാഷ്‌ട്രയിൽ എത്തിയതായിരുന്നു ആഭ്യന്തരമന്ത്രി. ‘യുവജനങ്ങളിൽ രാഷ്‌ട്രസേവന മൂല്യങ്ങൾ വളർത്തിയെടുക്കാൻ ആർഎസ്എസ് സ്ഥാപിച്ച് ഡോക്ടർജിക്കും സംഘത്തെ രാജ്യവ്യാപകമാക്കിയ ഗുരുജിയെയും നാഗ്പൂരിൽ പുഷ്പാഞ്ജലി അർപ്പിച്ചു എന്ന് അദ്ദേഹം ട്വീറ്റ് ചെയ്തു. ഇവർ കാണിച്ചുതന്ന മഹത്തായപാതയിലൂടെ ഇന്ന് അസംഖ്യം യുവാക്കൾ നിസ്വാർത്ഥരായി രാജ്യസേവനത്തിൽ ഏർപ്പെട്ടിരിക്കുന്നു’ അമിത് ഷാ ട്വീറ്ററിൽ കുറിച്ചു.

युवाओं में राष्ट्रसेवा के संस्कार पल्लवित करने के लिए @RSSorg की स्थापना करने वाले श्रद्धेय डॉ. हेडगेवार जी और संघ को राष्ट्रव्यापी बनाने वाले पूज्य गुरुजी को नागपुर में पुष्पांजलि अर्पित की।

आज असंख्य युवा इनके बताये मार्ग पर चलते हुए निस्वार्थ भाव से राष्ट्रसेवा में जुटे हैं। pic.twitter.com/cv9fFFz8Nl

— Amit Shah (@AmitShah) February 18, 2023

लोकमतचे संस्थापक जवाहरलाल दर्डानी उत्कृष्ट व दूरदर्शी पत्रकारितेचा आदर्श दिला. नागपूर येथे दर्डाजींच्या जन्मशताब्दी वर्षात त्यांच्या जीवनावर आधारित 'बाबूजी' या पुस्तकाचे प्रकाशन झाले.

'लोकमत नागपूर आवृत्ती'च्या सुवर्णमहोत्सवी वर्षानिमित्त टपाल तिकीट व सुवर्ण चलनाचे प्रकाशन झाले. pic.twitter.com/6ceZcAnyRi

— Amit Shah (@AmitShah) February 18, 2023

കഴിഞ്ഞദിവസം നാഗ്പൂരിലെ ദീക്ഷാഭൂമിയിൽ ഭീം റാവു അംബേദ്കറിനും അമിത് ഷാ പുഷ്പാർച്ചന നടത്തി. നാഗ്പൂരിലെ സുരേഷ് ഭട്ട് ഓഡിറ്റോറിയത്തിൽ ലോക്മത് ഗ്രൂപ്പിന്റെ 50 വർഷം പൂർത്തിയാക്കിയതിന്റെ ഭാഗമായി സംഘടിപ്പിച്ച പരിപാടിയിലും അദ്ദേഹം പങ്കെടുത്തു. ജമ്മു കശ്മീരിൽ വീരമൃത്യു വരിച്ച സൈനികർ, പോലീസുകാർ, സാധാരണക്കാർ എന്നിവരുടെ കുട്ടികളുമായി പൂനെയിലെ ജെ ഡബ്ല്യു മാരിയറ്റ് ഹോട്ടലിൽ ആഭ്യന്തരമന്ത്രി സംവദിക്കും.’മോദി@20′ പുസ്തകത്തിന്റെ മറാത്തി പരിഭാഷ പൂനെയിൽ വച്ച് പ്രകാശനം ചെയ്തു. പൂനെയിലെ ഓംകാരേശ്വർ ക്ഷേത്രത്തിലെ ദർശനത്തോടെ ഇന്നത്തെ യാത്ര അവസാനിക്കും.

നാളെ ഛത്രപതി ശിവജി മഹാരാജിന്റെ 393-ാം ജന്മവാർഷികത്തോടനുബന്ധിച്ച് പൂനെയിലെ അംബേഗാവിൽ ശിവാജി മഹാരാജിന്റെ ജീവിതത്തെ ആസ്പദമാക്കി തീം പാർക്ക് ‘ശിവസൃഷ്ടി’യുടെ ആദ്യഘട്ടം ആഭ്യന്തരമന്ത്രി ഉദ്ഘാടനം ചെയ്യും. പിന്നീട് കോലാപ്പൂരിലെ മഹാലക്ഷ്മി ക്ഷേത്രത്തിലും ഛത്രപതി ശിവജി മഹാരാജിന്റെയും ഷാഹുജി മഹാരാജിന്റെയും പ്രതിമകളിൽ അദ്ദേഹം മാല ചാർത്തും. കോലാപൂരിലെ ന്യൂ എഡ്യുക്കേഷൻ സൊസൈറ്റിയുടെ 100 വർഷം പൂർത്തിയാകുന്നതിന്റെ ഭാഗമായി കോലാപൂരിലെ ലോഹ്യ ഹൈസ്‌കൂളിൽ സംഘടിപ്പിച്ച ശതാബ്ദി ആഘോഷത്തിന്റെ സമാപന ചടങ്ങിൽ അദ്ദേഹം പങ്കെടുക്കും. തുടർന്ന് ഞായറാഴ്ച വൈകുന്നേരം കോലാപൂരിലെ ബിജെപി ഓഫീസിൽ നടക്കുന്ന ‘വിജയ് സങ്കൽപ് റാലി’യോടെ മഹാരാഷ്‌ട്ര സന്ദർശനം സമാപിക്കും.