മൂന്നാറിലേക്ക് യാത്ര പോയി വരുമ്പോൾ എന്ത് കൊണ്ടുവരും എന്ന് ചോദിച്ചാൽ ആദ്യം പറയുക തേയില കൊണ്ടുവരാം എന്നായിരിക്കും. മുന്നാറിൽ തേയില അത്രയേറെ നമ്മുടെ രുചിയെ സ്വാധീനിച്ചിട്ടുണ്ട്.ഓരോ പ്രദേശത്തിനും തനത് രുചികൾ ലോകത്തിന് നൽകാൻ സാധിക്കും അത്തരത്തിലൊന്നാണ് മൂന്നാറിലെ ചായയും.
തെക്കിന്റെ കാശ്മീർ എന്നാണ് മൂന്നാറിനെ വിശേഷിപ്പിക്കുന്നത്.
1880-ൽ ആണ് ബ്രിട്ടീഷുകാർ ഇവിടെ ആദ്യ തേയിലച്ചെടി നടുന്നത്. ചരിത്രമനുസരിച്ച് പൂഞ്ഞാർ രാജാവാണ് തേയിലകൃഷിക്കാവശ്യമായ ഭൂമി പാട്ടത്തിനു നല്കിയത്. മനുഷ്യവാസം തീരെ കുറഞ്ഞ പ്രദേശമായിരുന്നു. പിന്നീട് തേയിലകൃഷി ആരംഭിച്ചപ്പോൾ കൂടുതൽ ആളുകൾ ഇവിടേക്ക് എത്തിയത്. പിന്നീട് കൃഷി വ്യാപിക്കുന്നതിനും വളരുന്നതിനും അനുസരിച്ച് മൂന്നാറും വളർന്നുവന്നു. ആദ്യ കാലങ്ങളിൽ തമിഴ്നാട്ടിൽ നിന്നുള്ളവരായിരുന്നു ഇവിടെയുണ്ടായിരുന്നത്. പീന്നീട് മലയാളികളും മലനിരയിലേക്ക് എത്തി തുടങ്ങി.
ഉയരും കൂടുമ്പോൾ ചായയ്ക്ക് രുചി കൂടും എന്ന പറയാറില്ലേ. അതാണ് മൂന്നാർ തേയിലയുടെ കാര്യത്തിലും. സമുദ്രനിരപ്പിൽ നിന്നും ഏകദേശം1600-1800 മീറ്റർ ഉയരത്തിലാണ് മൂന്നാർ സ്ഥിതിചെയ്യുന്നത്. സാധാരണനിലയിൽ 9 °C നും 26 °C നും ഇടയ്ക്കാണ് അവിടുത്തെ താപനില. താഴ്ന്ന പ്രദേശങ്ങളിലെ തേയിലത്തോട്ടങ്ങൾ പെട്ടെന്ന് വിളവ് നൽകുന്നെങ്കിലും ഇവിടെ നിന്നും ലഭിക്കുന്ന തേയില ഗുണനിലവാരം കുറഞ്ഞതായിരിക്കും. എന്നാൽ കൂടുതൽ ഉയരമുള്ള പ്രദേശങ്ങളിൽ നിന്നും ലഭിക്കുന്ന തേയില കൂടുതൽ ഗുണനിലവാരമുള്ളവയായിരിക്കും.
മൂന്നാറിലെ തേയിലയുടെ ചരിത്രവഴികൾ എന്താണെന്ന് അറിവുവാൻ ആഗ്രഹിക്കുന്നവർക്ക് പറ്റിയ സ്ഥലമാണ് ടാറ്റാ ടീ മ്യൂസിയം. ഇന്ത്യയിലെ തന്നെ ആദ്യത്തെ ടീ മ്യൂസിയം ആയാണ് ഇത് അറിയപ്പെടുന്നത്. പേരുപോലെ തന്നെ ടാറ്റാ ടീ ആണ് 2005 ൽ ഈ മ്യൂസിയം സ്ഥാപിക്കുന്നത്. കണ്ണൻ ദേവൻ ഹിൽസ് പ്ലാന്റേഷൻ കമ്പനി പ്രൈവറ്റ് ലിമിറ്റഡ് ആണ നിലവിലെ മ്യൂസിത്തിന്റെ നടത്തിപ്പുകാർ. കുണ്ടള തടാകത്തിനു സമീപമായാണ് ഈ എസ്റ്റേറ്റും മ്യൂസിയവുമുള്ളത്.
Comments