തിരുവനന്തപുരം: ആറ്റുകാൽ പൊങ്കാലയോട് അനുബന്ധിച്ച് നഗരത്തിൽ 73 സേവനകേന്ദ്രങ്ങൾ ആരംഭിച്ച് സേവാഭാരതി. വൈദ്യസഹായം, അന്നദാനം, ആംബുലൻസ് സേവനം എന്നിവ സേവന കേന്ദ്രങ്ങളിൽ നിന്നും സേവാഭാരതി നൽകുന്നുണ്ട്. ആയിരത്തിലധികം വോളന്റിയർമാരെയാണ് ഇന്നും നാളെയുമായി നഗരത്തിൽ സന്നദ്ധ പ്രവർത്തനത്തിനായി സേവാഭാരതി നിയോഗിച്ചിരിക്കുന്നത്.
തിരുവനന്തപുരത്തെ വിവിധ ആശുപത്രികളിൽ സേവനം അനുഷ്ഠിക്കുന്ന വിദഗ്‌ദ്ധ ഡോക്ടർമാർ സേവന കേന്ദ്രങ്ങളിൽ വൈദ്യസഹായം നൽകും. ഐസിയു സംവിധാനം ഉൾപ്പെട്ട 35 ആംബുലൻസുകളും സജ്ജമാക്കിയിട്ടുണ്ട്. സേവന കേന്ദ്രങ്ങളിൽ അന്നദാനവും മറ്റ് ആവശ്യ സഹായങ്ങളും ഭക്തജനങ്ങൾക്ക് ലഭ്യമാകും. വിശദ വിവരങ്ങൾക്കും, സഹായങ്ങൾക്കും താഴെപ്പറയുന്ന നമ്പരുകളിൽ ബന്ധപ്പെടേണ്ടതാണ്. 7012777909, 7510207282, 9446705385,8113006854
