ഇംഫാൽ: പെൺകുട്ടികൾക്കായി മണിപ്പൂരിൽ സൈനിക സ്കൂൾ ഉടൻ തുറക്കുമെന്ന് മുഖ്യമന്ത്രി ബിരേൻ സിംഗ് പറഞ്ഞു. ഇംഫാലിലെ കൊയ്റെംഗേയിൽ നടന്ന സൈനിക റാലിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.
സർക്കാർ ജോലി റിക്രൂട്ട്മെന്റിൽ അഗ്നിവീർ നായകൻമാർക്ക് മുൻഗണന നൽകാൻ സംസ്ഥാന സർക്കാർ തീരുമാനിച്ചിട്ടുണ്ടെന്നും അദ്ദേഹം പറഞ്ഞു. വീരമൃത്യു വരിച്ച സൈനികർക്ക് ആദരാഞ്ജലികൾ അർപ്പിക്കാൻ വിമുക്തഭടന്മാരുടെ ഓഫീസ് സമുച്ചയത്തിൽ സ്മാരകം സ്ഥാപിക്കാൻ മൂന്ന് കോടി രൂപ നീക്കിവച്ചിട്ടുണ്ടെന്നും ബിരേൻ സിംഗ് പറഞ്ഞു.
മണിപ്പൂരിൽ അഗ്നിവീർ റിക്രൂട്ട്മെന്റ് റാലിക്ക് അനുമതി നൽകിയതിന് ആഭ്യന്തരമന്ത്രി അമിത് ഷായ്ക്കും പ്രതിരോധമന്ത്രി രാജ്നാഥ് സിങ്ങിനും അദ്ദേഹം നന്ദി പറഞ്ഞു.
