മൈക്രോസോഫ്റ്റ് സഹസ്ഥാപകനായ ബിൽ ഗേറ്റ്സും മഹിന്ദ്ര ഗ്രൂപ്പ് ചെയർമാനായ ആനന്ദ് മഹീന്ദ്രയും സഹപാഠികളാണെന്ന കാര്യം എല്ലാവർക്കുമറിയാം.. ഹാർവാർഡ് സർവകലാശാലയിൽ ഇരുവരും ഒരുമിച്ച് പഠിച്ചിരുന്നു. അടുത്തിടെ ബിൽ ഗേറ്റ്സ് ഇന്ത്യയിലെത്തിയപ്പോൾ ആനന്ദ് മഹീന്ദ്രയെ സന്ദർശിക്കുകയും ചെയ്തു. ഇപ്പോഴിതാ മഹീന്ദ്ര ട്രിയോ ഓടിക്കുന്ന ദൃശ്യങ്ങൾ ബിൽ ഗേറ്റ്സ് പങ്കുവച്ചതോടെ അതിന് മറുപടിയുമായി എത്തിയിരിക്കുകയാണ് ആനന്ദ് മഹീന്ദ്ര.
131 കിലോ മീറ്റർ ദൂരം സഞ്ചരിക്കാൻ കഴിയുന്ന ഇലക്ട്രിക് ഓട്ടോയാണ് മഹീന്ദ്ര ട്രിയോ. ഇതിൽ നാല് പേർക്ക് സഞ്ചരിക്കാം. ഇതുസംബന്ധിച്ച് ബിൽ ഗേറ്റ്സ് ഇൻസ്റ്റഗ്രാമിൽ പങ്കുവച്ച കുറിപ്പ് ഇങ്ങനെയാണ്. നവീകരണത്തോടുള്ള ഇന്ത്യയുടെ അഭിനിവേശം വളരെ വലുതാണ്. ഗതാഗത വ്യവസായത്തിൽ നിന്നുണ്ടാകുന്ന കാർബണൈസേഷനെ മറികടക്കാൻ മഹീന്ദ്ര പോലുള്ള കമ്പനികൾ ഇന്ത്യയ്ക്ക് നൽകുന്ന സംഭാവനകൾ പ്രചോദനം നൽകുന്നതാണെന്ന് ബിൽ ഗേറ്റ്സ് പറഞ്ഞു.
ഇൻസ്റ്റഗ്രാം പോസ്റ്റിന് ആനന്ദ് മഹീന്ദ്ര നൽകിയ മറുപടി ഇപ്രകാരമായിരുന്നു. ”ചൽത്തി കാ നാം ബിൽ ഗേറ്റ്സ് കി ഗാഡി, ട്രിയോയുടെ അനുഭവം പങ്കിട്ടതിന് നന്ദി. അടുത്ത ഇന്ത്യൻ ട്രിപ്പിൽ നമുക്ക് ഒരു റേസ് തന്നെ നടത്താം.. താനും ഞാനും പിന്നെ സച്ചിനും” ഇതായിരുന്നു ആനന്ദ് മഹീന്ദ്രയുടെ മറുപടി. നിമിഷനേരം കൊണ്ട് പോസ്റ്റ് വൈറലാവുകയും ചെയ്തു.
https://twitter.com/anandmahindra/status/1632613503294124035?ref_src=twsrc%5Etfw%7Ctwcamp%5Etweetembed%7Ctwterm%5E1632613503294124035%7Ctwgr%5E233acd8b11c719786a3144fa2a96b886fca91b87%7Ctwcon%5Es1_&ref_url=https%3A%2F%2Fwww.indiatoday.in%2F
Comments