മുംബൈ: മിന്നുന്ന പ്രകടനങ്ങൾ കൊണ്ടു മാത്രമല്ല ഗോസിപ്പുകൾ കൊണ്ടുകൂടിയാണ് ഇന്ത്യൻ ക്രിക്കറ്റ് താരം ശുഭ്മാൻ ഗില്ല് വാർത്തകളിൽ ഇടം നേടുന്നത്. സാറാ അലി ഖാനുമായും സച്ചിൻ ടെണ്ടുൽക്കറുടെ മകൾ സാറ ടെണ്ടുൽക്കറുമായും ഗില്ല് ഡേറ്റിംഗിലാണെന്ന് നേരത്തെ വാർത്തകൾ പ്രചരിച്ചിരുന്നു. അവരുമായി പ്രണയത്തിലാണോ എന്ന ചോദ്യങ്ങളോട് താരം പ്രതികരിച്ചിരുന്നില്ല.
എന്നാൽ അടുത്തിടെ തെന്നിന്ത്യൻ നായിക രശ്മിക മന്ദാനയാണ് തന്റെ ക്രഷ് എന്ന് ഗിൽ വെളിപ്പെടുത്തി. തനിക്ക് ഏറ്റവും ഇഷ്ടപ്പെട്ട നടിയെ കുറിച്ച് ഗില്ലിനോട് ചോദിച്ചപ്പോഴാണ് ഗിൽ രശ്മികയുടെ പേരാണ് പറഞ്ഞത്. ഇന്ത്യയിലെ മികച്ച നടിമാരിൽ ഒരാളാണ് രശ്മിക എന്നും ഗിൽ പറഞ്ഞു.
എന്നാൽ രശ്മിക മന്ദാനയോട് തനിക്ക് പ്രണയമുണ്ടെന്ന പ്രസ്താവന എപ്പോൾ, എവിടെയാണ് പറഞ്ഞതെന്ന കാര്യത്തിൽ ആശയക്കുഴപ്പത്തിലാണ് ശുഭ്മാൻ ഗിൽ. ഇൻസ്റ്റഗ്രാമിൽ പോസ്റ്റ് കണ്ടപ്പോഴാണ് ഇത്തരത്തിൽ ഒരു പ്രസ്താവന നടത്തിയതായി താരം ഓർക്കുന്നത്. ഏത് മാദ്ധ്യമത്തിലാണ് താൻ ഇക്കാര്യം പറഞ്ഞതെന്ന് മറന്നുപോയി എന്നും ഗിൽ പറഞ്ഞു. അതേസമയം, ഗില്ലിന്റെ പ്രസ്താവനയോട് രശ്മിക മന്ദാന ഇതുവരെ പ്രതികരിച്ചിട്ടില്ല.
ബോർഡർ-ഗവാസ്കർ ട്രോഫിയിൽ ഓസ്ട്രേലിയയ്ക്കെതിരായ ഇന്ത്യൻ ടീമിന്റെ ഭാഗമാണ് ശുഭ്മാൻ. അതേസമയം രശ്മിക മന്ദാന ഇപ്പോൾ രണ്ട് സിനിമകളുടെ ചിത്രീകരണത്തിലാണ്. പുഷ്പ: ദി റൈസിന്റെ തുടർച്ചയായ പുഷ്പ: ദി റൂൾ, രൺബീർ കപൂറിനൊപ്പം ആനിമൽ എന്നീ ചിത്രങ്ങളാണ് രശ്മികയുടെതായി പുറത്ത് വരാനുള്ള ചിത്രങ്ങൾ.
Comments