സമഗ്ര സംഭാവനകള് പരിഗണിച്ച് സംസ്ഥാന സര്ക്കാര് ഏര്പ്പെടുത്തിയ പരമോന്നത ദൃശ്യമാദ്ധ്യമ പുരസ്കാരമായ ടെലിവിഷന് ലൈഫ്ടൈം അച്ചീവ്മെന്റ് അവാര്ഡ് സംവിധായകൻ ശ്യാമപ്രസാദിന്. രണ്ടു ലക്ഷം രൂപയും പ്രശംസാപത്രവും ശില്പ്പവും അടങ്ങുന്നതാണ് പുരസ്കാരം.
പ്രഥമ ടെലിവിഷന് ലൈഫ്ടൈം അച്ചീവ്മെന്റ് അവാര്ഡ് ജേതാവും മുതിര്ന്ന മാദ്ധ്യമപ്രവര്ത്തകനുമായ ശശികുമാര്, ചെയര്മാനും എഴുത്തുകാരനും മുതിര്ന്ന മാദ്ധ്യമപ്രവര്ത്തകനുമായ ബൈജു ചന്ദ്രന്, ദൃശ്യമാദ്ധ്യമപ്രവര്ത്തകയും എഴുത്തുകാരിയുമായ ആര്. പാര്വതീദേവി എന്നിവര് അംഗങ്ങളും ചലച്ചിത്ര അക്കാദമി സെക്രട്ടറി സി.അജോയ് മെമ്പര് സെക്രട്ടറിയുമായ ജൂറിയാണ് 2021ലെ അവാര്ഡ് ജേതാവിനെ തിരഞ്ഞെടുത്തത്. മലയാള ടെലിവിഷന് സൗന്ദര്യശാസ്ത്രപരമായ അടിത്തറ പാകിയ പ്രതിഭയാണ് ശ്യാമപ്രസാദ് എന്ന് ജൂറി അഭിപ്രായപ്പെട്ടു.
