രാഹുൽ ഗാന്ധിയുടെ ഇംഗ്ലണ്ടിലെ പ്രസംഗത്തിനെ പരിഹസിച്ച് ഉപരാഷ്ട്രപതി ജഗ്ദീപ് ധൻഖർ. ‘ഇതിലും വലിയ നുണയില്ല’ എന്നായിരുന്നു. ജഗ്ദീപ് ധൻഖറിന്റെ പരിഹാസം. രാഹുലിന്റെ പേര് പറയാതെയാണ് ഉപരാഷ്ട്രപതി പ്രതികരിച്ചത്. പാർലെമെന്റിൽ സംസാരിച്ചപ്പോൾ മൈക്ക് ഓഫ് ചെയ്തെന്നായിരുന്നു രാഹുലിന്റെ വാദം. എന്നാൽ അത്തരത്തിൽ ഉണ്ടായിട്ടില്ല.
ഒരാൾ രാജ്യത്തിന് പുറത്ത് പോയി പാർലമെന്റിൽ മൈക്ക് ഓഫാക്കിയിരിക്കുന്നുവെന്ന് അവകാശപ്പെടുന്നു. ഇതിലും വലിയ നുണ മറ്റൊന്നില്ല, ധൻഖർ പറഞ്ഞു.’ഇന്ത്യൻ പാർലമെന്റിൽ ഇത് ഒരിക്കലും സംഭവിക്കില്ലെന്ന് ലോകത്തോട് പറയാൻ എനിക്ക് ഭരണഘടനാപരമായ കടമയുണ്ട്. അതെ, അടിയന്തരാവസ്ഥ എന്നറിയപ്പെടുന്ന ഒരു കറുത്ത കാലഘട്ടമുണ്ടായിരുന്നു. അന്ന് നടന്നിട്ടുണ്ട്, എന്നാൽ ഇപ്പോൾ ഇത് സാധ്യമല്ല,’ ജഗ്ദീപ് ധൻഖർ പറഞ്ഞു. മീററ്റിലെ പരിപാടിയിൽ പങ്കെടുക്കവയാണ് അദ്ദേഹം ഇത് പറഞ്ഞത്.
ഇതാദ്യമായല്ല രാഹുൽ ഇത്തരത്തിൽ വ്യാജ ആരോപണങ്ങൾ ഉന്നയിക്കുന്നത്. മുൻപും രാഹുൽ ഇതാവർത്തിച്ചിട്ടുണ്ട്. ഭാരത് ജോഡോ യാത്രയ്ക്കിടെ പലതവണ ഇത് ആവർത്തിച്ചെങ്കിലും യുകെയിലെ പ്രസ്താവന വിവാദമായി. ‘ഒരു എംപി രാജ്യത്തിന് പുറത്ത് നടത്തുന്ന പ്രസ്താവനയിൽ ഞാൻ മൗനം പാലിച്ചാൽ, ഞാൻ ഭരണഘടനയുടെ തെറ്റായ വശത്തായിരിക്കും നിൽക്കുന്നത്. ഇന്ത്യൻ പാർലമെന്റിലെ മൈക്കുകൾ നിർത്തിവച്ചു എന്ന വ്യാജ ആരോപണത്തെ ഞാൻ എങ്ങനെ അംഗീകരിക്കും. കഴിഞ്ഞ ദിവസം യുകെയിലോരു പരിപാടിയിൽ പ്രതിപക്ഷ നേതാക്കൾ ഇന്ത്യയിൽ വായ് മൂടിക്കെട്ടിയിരിക്കുകയാണെന്നും പാർലമെന്റിൽ എന്തെങ്കിലും പറയുമ്പോൾ മൈക്കുകൾ സ്വിച്ച് ഓഫ് ചെയ്യുകയാണെന്നും രാഹുൽ പറഞ്ഞിരുന്നു.
