മുംബൈ : മുംബൈ വിമാനത്താവളത്തിൽ 1.40 കോടി രൂപ വിലമതിക്കുന്ന സ്വർണ്ണം പിടികൂടി. മൂന്ന് കിലോയിലധികം സ്വർണമാണ് കസ്റ്റംസ് പിടികൂടിയത്. കസ്റ്റംസ് ഉദ്യോഗസ്ഥർക്ക് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പരിശോധന നടത്തിയത്.
അഡിസ് അബാബയിൽ നിന്ന് മുംബൈ വിമാനത്താവളത്തിൽ എത്തിയ മൂന്ന് വിദേശ പൗരന്മാരിൽ നിന്നാണ് സ്വർണ്ണം പിടികൂടിയത്. കസ്റ്റംസ് ഉദ്യോഗസ്ഥർ പിടികൂടിയ സ്വർണ്ണം യുവാക്കളുടെ അടിവസ്ത്രത്തിലും ഷൂസിലും ഒളിപ്പിച്ച നിലയിലായിരുന്നവെന്ന് കസ്റ്റംസ് ഉദ്യോഗസ്ഥർ അറിയിച്ചു.സംഭവത്തെ തുടർന്ന് അന്വേഷണം ആരംഭിച്ചതായി അധികൃതർ വ്യക്തമാക്കി.
കഴിഞ്ഞ ദിവസവും സമാനമായ സംഭവമുണ്ടായി. ഷാർജയിൽ നിന്ന് കോയമ്പത്തൂർ വിമാനത്താവളത്തിലെത്തിയ 11 യാത്രക്കാരിൽ നിന്നും 3.8 കോടി രൂപയുടെ സ്വർണ്ണം ഡയറക്ടറേറ്റ് ഓഫ് റെവന്യൂ ഇന്റ്ലിജൻസ് പിടികൂടിയിരുന്നു.
Comments