തന്റെ വലതു കണ്ണിന് കാളഴ്ചയില്ലെന്ന് വെളിപ്പെടുത്തലുമായി റാണാ ദഗ്ഗുബാട്ടി കുറച്ച് വർഷങ്ങൾക്ക് മുൻപ് രംഗത്തെത്തിയിരുന്നു. കുട്ടിക്കാലം മുതൽ ഇടതു കണ്ണിന് മാത്രമേ കാഴ്ചയുള്ളു എന്നും താരം തുറന്ന് പറഞ്ഞിരുന്നു.
മരണാനന്തരം ഒരു വ്യക്തിയുടെ കണ്ണ് തനിക്ക് ദാനമായി കിട്ടിയിരുന്നു. പക്ഷേ കാഴ്ച തിരിച്ചു കിട്ടിയില്ല. ഇടത് കണ്ണ് പൂട്ടിയാൽ തനിക്ക് ഒന്നും കാണാൻ സാധിക്കില്ല എന്നും റാണ പറഞ്ഞു. പുതിയ വെബ് സീരീസായ റാണ നായിഡുവിന്റെ റിലീസിനോട് അനുബന്ധിച്ച് നൽകിയ അഭിമുഖത്തിലാണ് അദ്ദേഹം ഇക്കാര്യം വെളിപ്പെടുത്തിയത്.
ശാരീരിക പ്രശ്നങ്ങൾ ഉണ്ടാകാം. എന്നാൽ തളർന്ന് പോകരുത്. ഉയർത്തെഴുന്നേൽക്കണം. ആത്മവിശ്വാസമുണ്ടെങ്കിൽ ഏത് പ്രതിസന്ധികളെയും മറികടക്കാം എന്നായിരുന്നു റാണയുടെ വാക്കുകൾ. എന്നാൽ ഇപ്പോൾ കണ്ണിന് പുറമേ വൃക്കയും മാറ്റിവെച്ചിട്ടുണ്ടെന്ന് നടൻ. ആരോഗ്യ പ്രശനങ്ങളെ തുടർന്ന് റാണ സിനിമയിൽനിന്ന് ഇടവേള എടുത്തിരുന്നു. മോശം സാഹചര്യങ്ങളിൽ മുന്നോട്ട് പോയെ മതിയാകൂ എന്ന ചിന്തയാണ് ആത്മവിശ്വാസം നൽകിയതെന്നും റാണ പറഞ്ഞു.
