വളരെയേറെ ആളുകള്ക്ക് ഉണ്ടാകുന്ന രോഗമാണ് നട്ടെല്ല് വേദന. നട്ടെല്ലിന്റെ കശേരുക്കള്ക്ക് സ്ഥാനമാറ്റം സംഭവിക്കുക, ഡിസ്കുകള് തേയുക, തെന്നി മാറുക,കശേരുക്കള്ക്ക് പരിക്കുകള്, വിവിധ തരം വാത രോഗങ്ങള് ഇവ മൂലമാണ് പ്രധാനമായും നട്ടെല്ല് വേദന ഉണ്ടാകുന്നത്. മാറിയ ജീവിത ശൈലികാാരണം പ്രായഭേദമന്യേ ഇപ്പോൾ എല്ലാവർക്കും നട്ടെല്ല് വേദന ഉണ്ടാകാറുണ്ട്.
കൂടുതല് നേരം ഇരുന്നുള്ള ജോലി ചെയ്യുന്നവര്, കഠിനാധ്വാനം, ഭാരം ചമക്കുന്ന ജോലി, സന്ധികളിലെ പരിക്കുകള്, കായികാധ്വാനം കൂടുതലുള്ള കളികള്, ശരീരത്തിന്റെ ഭാരം കൂടുക തുടങ്ങിയവ ഉള്ളവർക്ക് നട്ടെല്ല് വേദന വരുവാനുള്ള സാധ്യത ഏറെയാണ്. നട്ടെല്ല് വേദനയുള്ളവർ ഇരുപതു കിലോമീറ്ററിൽ കൂടുതല് ബൈക്ക് ഓടിക്കാതിരിക്കുക, നല്ല റോഡില് മാത്രം ബൈക്ക് ഓടിക്കുക, മ്പ്യൂട്ടര് സ്ക്രീന് കണ്ണിനു നേരെ വെയ്ക്കുക, കഴുത്തു കൂടുതല് വളയാതെ ഇരിക്കാന് നോക്കുക. ഭാരം പൊക്കുമ്പോള് നെഞ്ചോട് ചേര്ത്തു നട്ടെല്ലിനു ആയാസം ഉണ്ടാകാതെ എടുക്കുക. അര മണിക്കൂർ കൂടുമ്പോൾ എഴുനേറ്റു നടക്കുക ഇവയൊക്കെ ചെയ്താല് നട്ടെല്ല് വേദന ഒരു പരിതി വരെ കുറയ്ക്കാം.
നമ്മുടെ നാട്ടില് പണ്ടുമുതൽ ആയൂര്വേദം ആയിരുന്നു ഇതിനു ഫലപ്രദമായ ചികിത്സ. കഠിനങ്ങളായ പഥ്യങ്ങള്, ചെലവ് കൂടിയ ചികിത്സകള് ഇവയൊക്കെ ആയുർവേദത്തിൽ പതിവാണ്. എന്നാൽ ശരിയായ രീതിയിൽ ഒരിക്കൽ ആയൂർവേോദ ചികിത്സയും വിശ്രമവും ശരീരത്തിന് നൽകിയാൽ നട്ടെല്ല് വേദനയിൽ നിന്നും പരിഹാരം നേടാവുന്നതാണ്.
കൂടാതെ, മൊത്തം ശരീരത്തിന്റെ ആരോഗ്യം മെച്ചപ്പെടത്തക്ക വണ്ണം വ്യായാമവും, ശരീരത്തിന്റെ പൊക്കത്തിനനുസരിച്ചു മാത്രം ഉള്ള ഭാരം നില നിര്ത്തുകയും ചെയ്യുക. ശരിയായ ചികിത്സയ്ക്കു വേണ്ടി നാട്ടിൻപുറത്തുള്ള വൈദ്യൻമാരെ കാണുക. ശരിയായ മരുന്നും, നിത്യം വ്യായാമവും ചെയ്യുക. കാത്സ്യം, വൈറ്റമിന് ഡി ഇവ അടങ്ങിയ ഭക്ഷണങ്ങള് കഴിക്കുക. കൂടാതെ യോഗ നിത്യ ജീവിതത്തിന്റെ ഭാഗം ആക്കിയാൽ നട്ടെല്ല് വേദന ഇല്ലാതാകും.
Comments