അമൃത്സർ: സുവർണ ക്ഷേത്രത്തിൽ ദർശനം നടത്തി ബോളിവുഡ് താരം റാണി മുഖർജി. അമൃത്സറിലെ അതിപ്രസിദ്ധമായ സുവർണ ക്ഷേത്രമെന്നറിയപ്പെടുന്ന ശ്രീ ഹർമന്ദിർ സാഹിബിലാണ് നടിയെത്തിയത്. ക്ഷേത്രത്തിന് മുന്നിൽ കൈക്കൂപ്പി നിൽക്കുന്ന റാണി മുഖർജിയുടെ ചിത്രങ്ങളും സോഷ്യൽ മീഡിയയിൽ വൈറലാണ്. റാണി മുഖർജി പ്രധാന വേഷത്തിലെത്തുന്ന മിസിസ് ചാറ്റർജി VS നോർവേ എന്ന പുതിയ ചിത്രം തീയേറ്ററിലെത്തിയ വേളയിലാണ് നടി സുവർണ ക്ഷേത്രത്തിലെത്തിയത്.
മക്കളുടെ സംരക്ഷണത്തിന് വേണ്ടി നോർവേ സർക്കാരിനെതിരെ പോരാടുന്ന അമ്മയുടെ കഥയാണ് സിനിമയിലൂടെ റാണി മുഖർജി അവതരിപ്പിക്കുന്നത്. മാർച്ച് മൂന്നിന് തീയേറ്ററുകളിലെത്തിയ ചിത്രത്തിന് വലിയ പ്രേക്ഷകപ്രീതി ലഭിച്ചിരുന്നു. യഥാർത്ഥ സംഭവത്തെ ആസ്പദമാക്കിയാണ് ചിത്രം ഒരുക്കിയിരിക്കുന്നത്. 2021ൽ പുറത്തിറങ്ങിയ ബണ്ടി ഓർ ബബ്ലി എന്ന ചിത്രത്തിന് ശേഷം റാണി മുഖർജി എത്തുന്ന സിനിമ കൂടിയാണിത്.
Comments