ഭുവനേശ്വർ : പ്രശസ്ത ഡിജെ അസെക്‌സിനെ തൂങ്ങിമരിച്ച നിലയിൽ കണ്ടെത്തി. ഭുവനേശ്വറിലെ വസതിയിലാണ് മൃതദേഹം കണ്ടെത്തിയത്. സംഭവത്തെ തുടർന്ന് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. എന്നാൽ മരണത്തിലേക്ക് നയിച്ച കാരണമോ സാഹചര്യമോ തെളിയിക്കുന്ന വിവരങ്ങളൊന്നും തന്നെ ലഭിച്ചിട്ടില്ല. താരത്തിന്റെ അപ്രതീക്ഷിത വിയോഗത്തിൽ ഞെട്ടലിലാണ് ആരാധകർ.
അക്ഷയ് കുമാർ എന്നാണ് ഡിജെ അസെക്‌സിന്റെ യഥാർത്ഥ പേര്. സ്‌മൈലിംഗ് ഡിജെ എന്നാണ് ഇദ്ദേഹം ആരാധകർക്കിടയിൽ അറിയപ്പെട്ടിരുന്നത്. ശനിയാഴ്ച രാത്രി ശക്തമായ ഇടിയും മിന്നലും അനുഭവപ്പെട്ടതിനെ തുടർന്ന് വീട്ടിൽ കറണ്ട് പോയിരുന്നതായും ഈ സമയം അക്ഷയ് മുറിയിൽ ഉണ്ടായിരുന്നുവെന്നും അദ്ദേഹത്തിന്റെ ബന്ധു പറഞ്ഞു.
മുറിക്ക് പുറത്തേക്ക് അക്ഷയ് കുമാറിനെ കാണാതായതോടെ തിരക്കിയത്തിയ ബന്ധുക്കൾ മുറി പൂട്ടിയിട്ടിരിക്കുന്നതായി കാണുകയായിരുന്നു. ഏറെ നേരം വിളിച്ചിട്ടും വാതിൽ തുറക്കാതിരുന്നതിനെ തുടർന്ന് വാതിൽ ചവിട്ടിപ്പൊളിച്ച് അകത്ത് കടക്കുകയായിരുന്നുവെന്ന് ബന്ധുക്കൾ പറഞ്ഞു. സംഭവത്തിൽ വിശദ അന്വേഷണം വേണമെന്ന് കുടുംബം ആവശ്യപ്പെട്ടിട്ടുണ്ട്.
